我去了北歐旅行，冇啖好食，回港後有食神，漁檔老闆話收到我兩本書，要用一條海冧蚌做回禮，老闆舊式生意人，不但知道禮尚往來，而且回禮仲要回得快，我當然十分多謝，去到漁檔，老闆不在，阿姨睇檔，佢同我講樓價太貴，叫我唔好再追貨，雖然施生話樓市還有兩成升幅，但樓價已經同用家購買力脫節，除非有非常迫切性，他們都唔敢買，叫我忍吓手，我除了多謝之餘，還買了一斤蝦，回到家?，覺得一斤蝦冇理由有咁多，一秤之下，原來兩斤有多，以後都唔敢去那個漁檔買魚。 從阿姨咁鬆手，我知道現在經濟環境不俗，如果以經濟差為理由而認定樓價下跌是不合邏輯，但以漁擋咁好生意，睇檔阿姨都話樓價太貴，影響力比她話樓價還有上升空間現實得多，所以，睇樓市依然不及聽樓市，一般市民話樓市仍然有上升動力雖然危險，但如果連他們都話樓市有危險，沒有最後睇好樓市的人，樓市的確有危險。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
各位：而家既賣菜婆已經唔同以前既賣菜婆，以前既賣菜婆以羊群心態入市，所以傳統上有謂「連呢班賣菜婆都撲入個市，個市好危險」。但呢個傳統智慧有幾十年啦！個班賣菜婆死既死，唔死既就死！而家既賣菜婆叻過好多專家，佢起知道前輩受過教訓，兼且一機在手，知天下事。前排電話騙案咁多，有幾何聽過話賣菜婆受騙丫？佢地咁醒，唔好以為佢地睇淡個樓市，樓市就一定冇危險！
