有剛買了新樓盤的年輕朋友很開心話俾我知，地產商大幅加價，幅度比他所落的訂金還要多，唔夠一個星期就對本對利，仲話要請我飲十四代，嘩，咁好，十四代，我等左好耐，本來，有人請我飲十四代，我是不應該潑冷水，不過，我一向的宗旨就是我認為事情是怎樣，我便說怎樣，十四代，我又唔係飲唔起。
我對年輕朋友講，這是地產商的退堂鼓，是有名堂，叫「加價加得狠，樓價守得穩」，如果一個新樓盤賣得八八九九，最怕就是撻訂潮出現，於是，地產商就會將貨尾狠狠加價，最少都要10%以上，買了該新樓盤的人一定非常開心，更加唔會撻訂，於是，地產商就得米，大家千祈唔好話地產商欺騙買家，這是做生意手法，令到買家覺得開心手法，同時亦帶出一個正面訊息，就是那個新樓盤銷售甚為理想，所以，買了那些加價加得狠新樓盤的人可以放心，如果地產商話睇好後市，封盤不賣，已買該新樓盤的人就要有心理準備，所落訂金可能已經化為烏有。
有人擔心那些加價加得狠的樓盤不能夠去貨，其實，毋需擔心，地產商會以高佣政策去促銷那些貨尾，最近，有一個超過半億的特色單位以超高價成交，據聞地產商付超過一成佣金，加價所得的入了物業代理口袋，變成加價加得狠，代理袋得穩。
