妮妲襲港，港交所全日休息，深交所則全日無休，深圳人話香港人經不起風浪，或者根本是偷懶，李小加仲可以瞓個回籠覺，香港人話是天文台責任，根本在早上六時已經可以落波，唔知點解，搞搞下搞到過了中午十二點才落波，大家其實已經準備返工，不過，連銀行，港交所都休息，政府機構又唔辦公，返工都冇用，大家都走去瞓一個回籠覺。
我認為今次妮妲來得非常好，不但突顯一國兩制，甚至港澳兩地都可以用不同方法處理，大家又知唔知道，澳門天文台拒絕掛8號波，澳門人當然唔開心，佢哋話賭牆圍城，其實，他們都亂說話，如果掛8號波，一定有很多舖頭關門唔做生意，就算開門營業，都唔會有生意，正所謂，生意淡薄，不離賭博，賭場是希望早點掛8號波。
內地與港澳制度不同，現正磨合之中，當然有時內地有著數，有時就港澳受惠，現在證明除了突顯一國兩制之外，香港無端端放假一日，大家都沒有受到影響，這才是最重要的事，千祈唔好深圳點做香港又點做，這顯示一國兩制失效，大家暫時都唔想見到一國一制。
