我亮劍於 2014-02-23 係咁寫既(補充少少字)……
2 月 22 日，立法會通三讀過咗 BSD 條例，淡淡熱烈地彈琴熱烈地唱，好似有咗呢條條例之後，拒哋就會咸魚翻生，以後就可以半價買倒樓！
但又喺同一日，小弟一次過聽到三大知名好友，包括林奮強、湯文亮及曾淵滄講經濟論樓市，真係獲益匪淺。
他們不約而同地指出，短期例如年零內，美息要向上調整的機會，好細！
而中長期來講，西方國家因為要面對接踵而至的戰後嬰兒退休高峰潮，定必出現的是稅收減少，但醫療及福利支出又大增嘅困局。
因為此等西方國家都係十个茶壺得七个蓋，因此人為地將利息壓喺低位上落，會變成常態，否則破產都有份。
唔少坊間半桶水樓市評論者都有个錯覺，樓市需求已經被 3D招數所壓服，那當香港打後供應追翻上來，就一天光曬！
今日就等我亮劍點醒呢班友，指出佢哋犯了乜嘢錯！
香港土地供應渠道，分幾个途徑：
政府土地庫……政府連未做好規劃同咨詢嘅土地，都硬塞進賣地表当中濫竽充數，那矛波手头有乜牌，大家心中有數。
地產發展商做緊嘅生意，上落係十億八億咁計，佢哋当然 实同關注 你政府呢啲地嘅進度啦，但有留意開呢D新聞既人都發觉。
掂……好似無幾多！
但唔掂或要缩细規模既……就大把。
咁呢度的供應是否要打个折頭呢？
MTR沿線物业……地產發展作為港鉄嘅搖錢樹，MTR呢年多再唔能夠為市場提供穩定地皮供應的主因，係發展商预你打後幾年楼價升唔倒多少，但建築成本、预計利息支出就升緊，而最發瘟的事，係政府仲係揸住MTR项目可狂執嗰陣既價來計算補地價，咁唔流標先至奇！流下一件又一件，想出貨違有儍仔横空出世！
舊區重建……舊区收楼重建要補償小业主每呎一皮，丰汇新楼開售又是每呎一皮，咁就算楼面面積加五成给你都無銀用要蚀硬啦，咁又係嗰句，做來把托！
仲有……土地改變用途呢一範，絕對不容忽視，其中從以下幾個途徑所取得的土地，更建成唔少大型屋邨：
油庫用地改變用途------例子有美孚新村、麗港城、海濱花園
船塢用地改變用途------例子有太古城、黃埔花園、香港仔中心
貨倉用地改變用途------例子有和富中心、均益大厦、淘大花園
發電廠用地改變用途------例子有城市花園、海怡半島、海逸豪園
填海、河、魚塘------例子有沙田第一城、嘉湖山莊、將軍澳及九龍西南新發展區
農地改屋地--不勝枚舉，多到數唔倒從畧
呢啲大型屋邨，隨隨便便就幾千過万伙，敢問各位打後幾年，在土地改變用途呢一方面，會有幾多新增土地供應？一句到尾，冇预期水位，無可能有人去專登搅發展……
息-----中短期加唔倒幾多
地-----你明加实减
但建築費就升硬------
那麼樓市走向，答案係咪好清晰呢？
我想喺呢度問下啲业主，大家認為要是今日冇咗打房政策，咁你層楼会贵咗定平咗先?
又如果攞呢条問題問那些發展商，他們又会俾乜答案过你？
我亮劍以小人之心度君子之腹来評估，要是打房政策係用以民為本方式，作出理性改革，那麼在各種供應層面上，就会產生良性互動。
例如中小型楼宇的放盤会大增。
MTR嗰啲地皮会有人搶購。
農地商討補地價个案大增。
政府發展乜嘢綠化帶、棕地、郊野公園或移山填海等，阻力会大減，呢个係金錢遊戲，其實大家都係做緊 角色扮演，今日梁福元可以做白臉反對政府征地起楼，明天他或者係红臉可以同四叔發展过万个单位，一切源自利益！
