一宿無話，油價終於破百，最新報102美元，道指跌175點，10年美債息5.097 ％，跌了少少，最少要跌到見3字才合理，台夜期跌了1144點，唔知點解跌咁多。
今早跑完5公里後去到會所，有住客話有一個一向財政十分健全的老友最近打算申請破產，理由並不是投資錯誤，而是近幾年借了錢俾一個朋友同其他人打官司，以為好短時間以及一定會贏，但打下打下，足足打了4年咁耐，期間那人不斷問佢借錢，最後，不但自己的存款冇哂，仲要問其他人借錢支持那人打官司，如果那人再唔停止，住客朋友真係要宣佈破產。
老實說，現在歐洲有不少國家都有類似情況，他們借錢俾烏克蘭打仗，搞到國庫空虛，有時候不得不佩服特朗普，一早睇到這個情況，寧願被澤連斯基鬧冇義氣都唔借錢俾烏克蘭，借錢俾人好似洗濕咗個頭，唔係咁快可以乾返。
