連續病了三日，今日終於好轉，身體內抗體已經消耗得七七八八，如果唔補充，體力唔夠，又會再次生病，所以早上叫家務助理煮了一大碗麵，兩隻蛋，食完之後舒服哂。
食完麵之後去到會所，有住客問我是否知道今日是乜嘢日子，我在澳門長大，當然知道，今日是葡萄牙共和國成立日，或者叫葡萄牙共和日，以往放假，現在已經取消，不過，雖然假期取消，但以葡萄牙共和日紀念日為名的街道並沒有取消，這就是大名鼎鼎的十月初五街，不過，如果TVB冇拍十月初五的月光，都唔知有冇人知道十月初五街，而事實上每一個萄葡牙城市，以往的殖民地，都有一條，不過，可能叫國慶大道，獨立後的殖民地，國慶大道一定會被取消，澳門的是碩果僅存，不過，如果唔係叫十月初五街，一樣會被取消。
