一宿無話，道指油價都保持平穩，道指跌63點，原油97美元，正式是西線無戰事，大家都睇美伊究竟打還是唔打，如果要打，快快脆打好過牛皮，如果唔打，就快啲開第二次和談。
去到會所，有做高檔飲食的客人話，近日忙到癲，不過，伙記的士氣很好，大家準備迎接五· 一黃金週，政府預計有98萬內地旅客訪港，由於香港不是假期，是入多出少，市面一定好熱閙，各有關行業都磨拳擦掌，希望可以省靚香港招牌。
客人話，香港傳媒都唔知點解，只是集中報道那些精打細算來港的旅客，其實，大多數從國內來港的人，消費力是非常高，如果講高檔飲食單價，國內與香港差不多，不過在香港可以享受到更好質素，名牌包包也是一樣，在香港不用擔心買到高仿，點解唔在香港買，甚至連藥房都買入大量高價藥物，例如降血壓藥，糖尿病藥等，香港人千祈唔好打爛自己招牌，以仿充正就大鑊了。
上一則：
Javascript must be enabled to use this form.
敬請留言者自律。本網站保留刪除/堵截任何留言的權利。
預計有98萬內地旅客訪港，由於香港不是假期，是入多出少，市面一定好熱閙，各有關行業都磨拳擦掌，希望可以省靚香港招牌。