有老友非常留意樓市新聞，近日有不少樓市短炒賺錢個案出現，以及第三季負資產數目比第二季大幅下降16.8 %，由37, 806下降至31, 449宗，這些都是樓市回升訊號，不過雖然樓市回升，仍然有很多大額蝕錢個案出現，但大多數集中在新樓，二手樓即使蝕錢，幅度亦遠遠不如新樓，由此可見，以後買樓應該是買二手樓而非新樓。
老友可能唔明白，新樓與二手樓樓價不能限於表面，新樓售價一般都高於市價，所以，當新樓下跌，幅度亦比較
大，但新樓隱藏了業主一項沒有定額收入，如果將這項收入計算在樓價，新樓業主在賣樓時未必要蝕錢，業主這項收入叫回贈，至於回贈幾多，這是一項商業秘密，據聞有可能高達30%，如果有咁高回贈，蝕錢賣新樓的個案可能是賺錢。
有人唔明白點解地產商賣新樓要俾咁高回贈，其實都是為勢所迫，兩年之前一段長時間，政府對於非香港人買住宅要付30%印花稅，試問又點會有人為了買一個三、四千萬單位而付千萬印花稅，地產商唯有提高樓價，替買家付30%印花稅，不過地產商是會以光豬價繳付印花稅，唔會蝕底俾政府，不過，政府收30%印花稅亦心滿意足，現在取消了辣招印花稅，地產商亦不會用高額回贈來促成交易，一切回復正常，由此可見，辣招印花稅的確搞亂了香港樓市。
