令樓市升跌的三個重要原因

　　十日前，中原指數突破了今年高位，代表指數今年上升，而非下跌，唱談的人一個一個收聲，有人唔明白樓市點解會止跌回升，那些唱談的人點解又睇唔到。

　　佛語有講一葉蔽目，有時非常顯淺道理，但唱淡的人睇唔到，仍然堅持樓市會繼續下跌，其實，影響樓市有三個重要因素，如果都是正面，樓市想跌都難，利息雖然重要，但仍然不是最重要三個因素之一。

　　首先是人口，如果一個城市人口不斷增加，樓價就算下跌都只是暫時性，香港人口在社運後減少超過30萬，這亦是樓價下跌的主要原因，現在隨着優才、專才、投資移民、學生等來港，差不多已經可以補充已離開的人，更何況當日移民離開的香港人，有部分已經回流，人口增加，樓市想跌都難。

　　其次是租金上升，由於人口增加，很多剛來港的人未必可以即時買樓，租樓是唯一選擇，租金上升可以印證人口增加，而且已經連續上升多月，代表人口亦連續增加多月，有此利好因素，樓市上升只是遲早的事。

　　由於樓價已經下跌三成，而且政府亦撤走所有辣招，地產商以及一般業主都願意降價促銷，做成成交量增加，潛在供應量下降，當大家意識到樓宇供應不足時，樓價就會急升，這是比較理性分析，而不是一廂情願想法。