昨日中午與客戶食午飯，飲了不少酒，放工之後回家小睡，並且一早同老婆講話唔食晚飯，小睡之後，見到老婆悶悶不樂，原來老婆有個大媽朋友，在BNO5+1開始時已經舉家移民去了英國，臨行時仲請食飯，非常風騒，當時我亦飲了些少酒，多口講了一句，話移民之後千祈唔好做生意，享受退休生活，老婆的大媽朋友即時黑了塊面，氣氛急轉直下，我後悔到不得了。
兩年後，老婆得知她的大媽朋友去了英國之後，很快就入股當地一間香港人開的餐館，又很快將整間餐廳買下來，兩年之後不但投資冇晒，仲用了不少積蓄，現在就算再返香港都冇錢買樓，在無顏見江東父老之下，唯有繼續經營，但個個月蝕錢都唔知蝕到幾時。
老婆唔知道，我認識那位在英國經營餐廳的香港人，他們賣盤之後早已舉家回港，現在不但非常風騷，仲叫我唔好將事件寫出來，否則在英國做生意的香港人很難搵替身，我都唔知點講，如果當日不是老婆大媽朋友黑口黑面，我都會講多些少，現在俱往已，還看明天。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
臨行時仲請食飯，非常風騒，當時我亦飲了些少酒，多口講了一句，話移民之後千祈唔好做生意，享受退休生活，老婆的大媽朋友即時黑了塊面，氣氛急轉直下，我後悔到不得了。