週日去街市買魚，魚檔老闆話，經常聽到啲玄學家講風水，現在香港的水運來了，但又唔見到有玄學家提及，老闆見到我面上有一個問號，立刻繼續解釋，近日香港附近水域，水質靚到不得了，什麼靚魚也可以釣到，忘不了當然是例外，因為是淡水魚，最奇怪的就是唔死唔知道是靚魚的黃勒石斑，黃勒要死咗斑紋才會出現，現在也可以隨時搵到，而其他靚魚亦多到不得了，漁民知道，如果香港冇運，一定唔會有咁多靚魚聚集在香港水域，老闆說得對，人才也是一樣。
如果一個遊客到了香港，唔覺意走到任何一個街市，包括一些屋村街市，他會發覺香港有冇搞錯，街市有魚賣唔出
奇，但有咁多游水靚魚賣就很出奇，代表香港整體市民的消費力都很高，不是集中在某些高消費力街市，魚檔老闆話，香港又點會衰。
正當魚檔老闆準備劏一條黃勒給我的時候，有名廚到來買魚，名廚話星期一通關，有大量晚飯訂單，要買定多些靚海魚，雖然國內都有得賣，一來價錢較貴，二來通關之後來香港旅行的國內人士，消費力都比較好，所以，一定要準備多些靚海魚。
名廚問我是否了解什麼是水運，我真的唔識，問是否海納百川，名廚話水是君子，可以接納不同密度液體，例如將一碗油倒入一鑊熱水之中是不會被排斥，反之將一碗水倒入一鑊熱油，一定會彈到周圍都係，所以，油是小人。
在世界形勢，中國好似水一樣，可以接納任何一個與其他國家交往，包括美國的國家，但美國很多時都要求盟國舉起反中大旗，否則就會被排斥，不能進入美國陣型，特性與油相似，如果中國行水運都唔錯。
