買樓的人比賣樓的人開心很多

　　有老友同我講，近日所有專業評論員或者分析師一致睇淡樓市，對明年樓市預測，最保守的都話下跌8%。老友話我對樓市仍然充滿信心，間接可以證明我並不是一位專業投資者，對地產認識不深。

　　我認為凡事不能只睇表面，無可否認，樓市的確下跌，但大家又有沒有了解到最近以低價售出的單位，質素並不是那麼優質，而事實上市場上根本很少優質單位出售，質素唔好的單位，價錢賣得不理想亦是正常。如果市場上很輕易可以用低價買到優質單位，才可以確認樓市下跌。

　　有時候樓價升跌很難準確地反影樓市形勢，雖然現在大多數人對樓市是非常悲觀，但事實又非如此，因為我認識的人，如果是最近買了樓，都會非常開心，甚至會話如果不是有那麼多大師唱淡樓市，業主不但不會減價，甚至市價都唔會賣樓，他們買到心頭好，當然非常開心，但大家又唔會唔覺得很奇怪，根據大師所講，樓市即將大跌，現在買到樓的唔應該開心。

　　至於那些剛剛賣了樓的業主，在一片唱淡聲中，他們應該是非常開心，因為樓價隨時會跌兩、三成，但事實又非如此，賣了樓的業主其實是非常擔心，尤其是通關在即，樓價即將作出反彈，俾人知道賣了樓而要租樓住，仲唔知以後有冇能力再買返樓，真係會畀人笑到面黃，唔到他們不擔心。