星期六早上，有國內專才到公司搵我，他是我唯數不多的fans，搵我的目的是話比我知他剛剛買入了一個單位，雖然現在要付辣招稅，但到期就會退返比佢，最多是蝕了利息。
我話有冇搞錯，在香港現在同地產有多少關係的人都唱淡樓市，今年跌15 ％已成定局，明年最低限度再跌15 ％，唔怕退回辣招稅都唔夠樓價跌幅，專才話，在政府推出退回專才辣招稅之後，已經有59個專才買樓，比一個月多1.9倍，上個月只得20個專才買樓，而且佢有很多在港工作的專才老友，现已經睇緊樓，估計下個月會有更多專才買樓。
我多謝專才fans支持香港，但究竟現在買樓的是專才，抑或是蠢才，或者賣樓的是蠢才，專才fans話，別人笑他太瘋癲，他笑別人看不穿，專才與蠢才，觀點與角度而已。
