有不少移民去外國的香港人，在唔憂柴，唔憂米情況下，自嘲式話自己是三等居民，三等是什麼，就是等食等屙等死，是廢人一個，所以，不少移民靜悄悄又回到香港，但想唔到在回港之後又要做三等居民。
香港的三等與在外國的三等是有所不同，香港的是非常積極。首先，由於近日對樓市的不利分析不絕於耳，差不多全部分析員預期樓市會下跌，預測下跌一成的已經是大好友，有一些甚至認為樓市會大跌五成，令到不少打算
買樓的人等樓價下跌，最低限度要下跌三成才入市買樓，亦唔到他們唔等，因為如果在等唔切之下買樓，及後樓價大跌，不但損失慘重，仲會俾人笑到面黃，為錢財為面子都要等。不過，可能永遠等唔到。
有不少香港人希望政府可以撤銷辣招，令到他們可以買第二個單位時不用付15%辣招稅。我認為那些人不理解政府苦心，政府是希望多一些有能力的香港人可以買一個自住單位，如果放寬本地人辣招稅，無形中剝削未買樓香港人的機會，除非樓價真的是大跌，政府以救市心態才會放寬香港人買第二個單位的辣招稅，老實說，講出嚟就難聽，到那時候，那些要求政府減辣的業主就算等到都唔敢買，其實，樓價不跌，要求政府減辣的業主繼續等仲好，就算買唔到樓，但可以繼續鬧政府。
最後是全香港人都關心是等開關，雖然現在是0+3，但不少人話對市況沒有幫助，除非是0+0，但他們可能不明白特首不走回頭路的抗疫政策，如果太早0+0，確診數字上升至每日超過一萬宗，政府又要收緊抗疫政策，即是走回頭路，對香港反而唔好。不走回頭路的抗疫政策其實是步步為營，始終有一日會將所有抗疫政策解除，希望那日早些來臨，不用等太久。
