有老友問我是否唔鍾意新架坡，如果我寫文章讚下新架坡，彈下香港，回應一定多到爆燈，唔使深入淺出講投資方法，袋錢入別人袋都俾人鬧。
老友誤會了，我並不是不喜歡，而是恐懼新架坡，因工作關係，我去過20次新架坡，總共住了大約半年，仲響新架坡試過玩落觀陰，即是現在元宇宙，上中下階層都識得唔少人，但我從未聽過一個新架坡人鬧新架坡政府，公道一點講，亦沒有鬧香港政府，反對香港的香港人一定會話，新架坡政府無懈可擊，點解要鬧，我阿嫲教落，曹操都有知心友，關公亦有對頭人，無論新架坡政府做得點好，如果言論自由的話，一定會有一些新架坡人鬧新架坡政府，這才是令我恐懼新架坡的原因。
