今日返工時，在大廈門口見到一個同座大廈工作老闆，佢一向睇唔好地產，所以，近日見到樓價下跌就非常雀躍，佢話，近日樓宇成交，大多數低過銀行估價，由此可見，樓價下跌是不爭的事實。
那位老闆唔知道，由於有逆週期措施，銀行估價都比較手鬆一些，如果銀行借九成，睇吓銀行估價有冇咁手鬆，而事實上銀行估價手鬆有利促成交易，物業代理可以同客人講，那個單位銀行估價二千萬，現在千七萬就買到，唔買就笨，至於估價高會不會影響賣家，要價又會提高，我認為不用擔心，賣樓的人方寸已亂，有人還價，賣得出已經非常開心，點會因銀行估價而提高。
