昨晚與客食飯，客人問我有冇投資虛幣，虛幣是否安全，他收到消息，星架坡有一間投資虛幣的對沖基金出現問題，會唔會影響香港。
我話有投資比特幣，出出入入試過幾次，亦賺了不少錢，現在當然要輸，但整體來說仍然是贏錢，我的理論是如果我唔投資，根本不能了解是否值得投資，至於虛幣是否安全，我肯定說是不安全，所以，如果要投資虛幣，一定要自己投資，不能借貸，不能買對沖基金，仲要投資虛幣中的藍籌，就算做足哂都一樣會輸，所以，小注怡情就算，千祈唔好瞓身。
至於星架坡對冲基金出問題，今次真係考星架坡政府，因為星架坡投資環境非常平靜，如果出事反而有暗湧，星架坡投資者未必可以接受，最終可能由淡馬鍚，GIC等國營公司接盤，估計很少香港人會投資星架坡對沖基金。
