|
1. 唐朝 2010-08-04 12:52:17 |
|
作者文章內容好貼切,說中我們新界居民的心聲,政府應該知道,不要總是打壓中小型樓價,這樣太不公平了! 新界二手樓價這麼平是很不合理的,我們都要振作起來,新界都要有唐朝盛世! |
|
2. 小吉 2010-08-04 13:27:55 |
|
唐朝:你地已買樓嘅人梗係想樓價升,你地唔能夠咁自私,我地呢班年青人未上車點辦? 我地就係要政府推低樓價至有機會買到樓,嘉湖山莊今年到宜家已升咗15%,係唔係有啲離譜,首期要成40-50萬至買到樓,叫我地呢班剛出來做嘢嘅人點買樓呀,政府應照顧我們嘅利益至啱! |
|
3. Mi 2010-08-04 14:40:20 |
|
to 小吉： 我1967年出來社會做事，人工才180元，克勤克儉14年，儲夠6萬元於81年才買第一層樓，5年後換第二層樓，95年換第三層樓，到今年第四次換樓，雖然越換越大、越換越多，但是由開始買樓到現在都差不多三十年，總之萬事起頭難，市區買不到步就轉去郊區起步，將來還銀行本金多了，又可買回市區，然後越住越大，越住越多。 |
|
4. wham 2010-08-04 16:16:48 |
|
why keep saying property price goes up rapidly is something good..?! i don't really understand what is the rationle behind...... |
|
5. 混吉 2010-08-04 20:42:51 |
|
叫我地呢班剛出來做嘢嘅人點買樓呀, 政府應照顧我們嘅利益至啱! 剛出來做嘢就要買樓，香港教育制度真失敗！大量生產出一批白痴。 |
|
6. 小吉 2010-08-05 00:59:50 |
|
大家年代唔同,唔能夠相提並論,現今年代努力讀書有好成績,出來社會做嘢梗係要高啲人工,工作兩年儲夠首期就係要買樓,同埋要結婚成家立室,宜家樓價貴沒辦法買到樓點安居樂業? 以前嘅人讀書較少,自然要早啲出來工作,過多幾年至有首期買樓係好正常,大家要客觀啲,宜家貧富咁懸殊,就係因為我地呢啲勤力嘅人買唔起樓,才產生好多怨氣所引致. 所以話,有啲人以前買咗樓,現時升值有錢就風騷,唔了解我地年輕人難上車之苦,真係食古不化! |
|
7. 大樓 2010-08-05 02:04:44 |
|
坊間太多聲音要求當局制定政策,例如推出多啲中小型地皮,話係要穩定中小型樓價,其實係想中小樓價下跌,但係新界樓價仍是咁低殘,再打壓確係好殘忍. 多數人認為2000萬以上豪宅樓任由佢升,中下價樓要政府管制干預其實係錯嘅,豪宅價俞升俞高,中下價樓受到壓抑,會令社會貧富懸殊更嚴重,分化社會使香港更唔和諧,當局要三思! |
|
8. 上車苦 2010-08-06 03:32:12 |
|
社會唔和諧,原因係我哋小市民難上車買樓,如果政府每個家庭都免費提供一層樓居住,民間就唔會有咁多怨氣. 反正政府和地產商都想樓價高,賣給中資大陸客或外國客,他們嘅購買力好強,足以撐起成個樓市,官商佢哋一樣可以賺大錢,香港所有市民有樓住,就唔會反對政府施政,咁就天下太平啦! |
|
9. 小吉 is 白痴 2010-08-06 10:41:27 |
|
Totally agreed with 混吉 that 小吉 is 白痴 ! Who told you "嘉湖山莊今年到宜家已升咗15%,係唔係有啲離譜,首期要成40-50萬至買到樓" ? Right now, 嘉湖山莊 580 sq ft, abt $1.8M, mortgage can be up to 95%, so 5% as first downpayment = $90,000, so including stamp, legal, commission, etc. = $150,000 or less. In order to save $150,000 in 2 years = abt $6,250 saving per month. Based on what you said "大家年代唔同,唔能夠相提並論,現今年代努力讀書有好成績,出來社會做嘢梗係要高啲人工" ? Right now, monthly salary of most of fresh U graduate is $10,000 or less. By the way, "you asked for higher salary" does not mean "the employer must offer". A lot of unemployed U graduate in the market, why "出來社會做嘢梗係要高啲人工" ? Perhaps you are one of the fresh U graduate who can earn $15,000 or more, so it is not a problem to save $150,000 within 2 years, so u can buy 嘉湖山莊, then why still complaint ?! Indeed I think you are NOT really "剛出來做嘢嘅人" or you are really a 白痴 !!! |
|
10. 80後青年 2010-08-06 11:18:01 |
|
我都係80後打工仔, 我比較好彩可以05年上左車. 但係我身邊好多結左婚o既人都係租樓住. 如果覺得樓價貴, 冇必要勉強去買...... 政府要推低樓價好容易, 但係試想下樓價大跌你敢買樓咩?到時你份工保唔保得住都唔知la.....而且負責任o既政府更加要照顧已有自置物業o既近百萬個家庭 |
|
11. 小吉 2010-08-06 12:08:00 |
|
我哋年輕人上車已經咁困難,宜家新界區中下價樓仲多了大陸客,咁肯定炒貴哂呢啲樓,政府係唔係應該限制大陸人落來香港買樓,買貴哂香港樓,對我哋未上車置業者不公平. 同意上車苦講,政府有責任令香港人個個有層私家樓,咁就唔會埋怨啦,宜家樓價咁貴,我哋年青人如上車,即係要幫地產商打成世工,我哋唔要做樓奴,有能力都暫時唔買樓,新界樓價要跌回三成才合理! |
|
12. 李家誠 2010-08-06 12:19:46 |
|
年青人應該到外國找機會，無謂為層豆腐潤咁細的發水樓浪費一生，到頭來窮得只剩下層樓 |
|
13. 小吉 2010-08-06 13:46:08 |
|
我哋年青人買層細價樓只夠俾首期,仲邊有錢移民外國呀,難道要移民番大陸?講嘢都唔實際! 我哋買唔到樓嘅一班低下階層,政府唔能夠唔照顧,政府唔單止要打壓樓價俾我哋可以上車,仲要撥出多啲資源俾中下階層人士,例如:綜緩金,失業救濟金,免費醫療,免費教育等等,如果唔係,呢班高官只係識得拿高薪水,實會日日俾人鬧到狗血淋頭!! |
|
14. Sam 2010-08-06 15:11:02 |
|
政府有責任令香港人個個有層私家樓 小吉 / 上車苦 政府系你老豆牙，要送樓、重使吾使包埋結婚生仔 ？？？ 你門要求政府打壓樓價，將 香港100萬艱苦的業主推落地獄， 重要用呢班辛苦左几十年既業主納既稅幫你們置業上車 ？？？ 你真系 白痴夾自私，你邊間 U 出來架。 Oh ！ my god |
|
15. 炒家 2010-08-06 16:19:44 |
|
年青人不應該買樓，最少儲10年錢才可考慮，經濟有盛衰，樓市有升有跌，10年後買可能仲平 |
|
16. 小婦人 2010-08-06 16:20:12 |
|
小吉，希望你明白，香港的大部分業主是通過自身的勤儉努力才能達成置業夢想的，他們如何去付出，你願意去學習嗎？ 香港每年有多少人通過晚間進修來給自己增值，你知道嗎？ 你願意學習嗎？香港的數百萬業主中，他們每天都努力工作，為香港社會創造效益，為香港庫房創造收入，你又知道嗎？你同意嗎？ 政府福利用於真正有需要的人身上才有意義，才不會違背取之社會，用於社會的原則。我本人十分贊同中轉房的提議，增加老人福利金和生果金的建議亦非常合理，但動用納稅人的血汗錢幫助你置業？請問你又為社會作出了什麽貢獻？庫房儲備不是取之不盡的，都會有乾枯的一天，就算能協助你置業，假如你置業後又負資產，你會一力承擔嗎？到時你會否要求政府穩定樓價？ |
|
17. 炒家 2010-08-06 16:35:34 |
|
年青人在決定買樓前，應該先學習炒樓技巧，學懂風險與回報，切不可為了自住而盲目追價買樓，香港樓市係最佳炒作工具，因為經濟有盛衰，經濟唔好樓市自然跌，政府又完全依賴樓市作主要收入，跌到咁上下，政府為了自身利益自然出招推高，為我們炒家創造獲利機會，高價追貨的往往是不懂炒技的人，年青人要學懂低買高賣的技巧才好入市。 |
|
18. 小吉 2010-08-06 16:49:46 |
|
老實講,我哋都係香港讀完大學出來做嘢嘅人,就係因為愛香港,先感到買唔到樓好憤怒,好多港人都覺樓價升得好過份,要求回落啲俾我哋上車,呢啲有什麼唔啱? 動不動就鬧人白痴冇腦,咁冇文化又係邊間U出來呀? |
|
19. 小婦人 2010-08-06 17:57:59 |
|
讀得書多不等於能明辨事理，未播秧先望割禾是現時大部分年輕人的思維。香港現時流行保育，我希望中國人的勤勞節儉，堅毅不屈等傳統美德也能夠保育下來，讓我們的後代傳承，讓他們去追求自身的内在價值， 而不是外在價值。 |
|
20. 88年出世的我 2010-08-06 19:29:24 |
|
1) 豪宅好貴, 我買唔起, 要政府送, 正確 ?
戒指好令, 我買唔起, 商人要收平D, 正確 ?
唔做野, 有飯食, 正確 ?
讀屎片可以有高人工, 唔讀書就要低人工, 正確 ? 2) 我係1988年出世, 22歲, 冇讀大學, 個人認為為讀書而讀書係冇用的, 香港教育係失敗的
如果未買到既野, 係咪應該淨係識得怪, 識得埋怨人地唔幫你 ?
當年李嘉誠先生都係穿膠花起家, 政府幫佢 ?
小吉你呢D思想, 對唔住, 我真係笑左
同D小朋友, 係街冇錢買玩具叫老豆俾錢有咩分別 ? 讀咁多書原來係會還原, 咁你呢D
係咪叫做讀屎片^_^
如果香港要成功, 就一定要保持住一個自由經濟體系, 成日話社會好似大陸, 話政府乜
唔好乜唔好, 而家就根本有住共產主義既概念, 用有能力既人既錢補貼窮人, 咪俾多D
綜援多D補貼囉, 遲D全部人做又36唔做又36囉, 都低能既, 咁洗乜做野咁辛苦姐, 商家
做乜要黎香港投資姐, 冇左熱錢流入呢個CYCLE, 香港人到頭來食乜 ? 屎 ?
買樓根本係一個商品, 有錢你就買, 冇錢就過主, 你唔買大把人買, 補貼係經濟黎講完全
係一種失敗既野, 只會令經濟退步, 而家D所謂大學生, 民主人士, 就係做緊呢D低B野囉 |
|
21. Simon 2010-08-06 19:50:27 |
|
小吉,你年紀小小,未經歷過艱辛 我做了五年工,才能買樓,我想話你知,樓是要時間一步一步儲錢 人人都是這樣經歷 |
|
22. 吹銷員 2010-08-06 23:38:50 |
|
襲警獲輕判，一哥仔被問有乜特權，咁普通市民.....
如果又唔係地產詐騙集團一員，又唔係狗官，又唔係權貴，咁就一定係賤民，要分清尊卑，認命吧！ |
|
23. 小吉 2010-08-07 02:32:01 |
|
各位係唔係太大驚小怪了呢?我哋年青人上車苦講兩句有什麼大不了,呢啲係大部份未買樓嘅后生仔心聲,你哋買咗樓梗係唔想樓價跌,你哋有冇顧及未買樓人嘅處境,做人咁自私社會梗係分化啦! 今年到宜家樓價確係升咗唔少,以嘉湖山莊為例,有朋友年初買已升了兩成左右,我宜家買貴咁多好唔憤氣,梗係要唱衰樓價啦! 政府地產商炒家詐騙我哋血汗錢,就係點解社會咁仇富嘅原因,政府應該學李嘉誠咁樣多啲捐獻,作為首富都衰唔哂,好過李兆基與新鴻基多多聲,政府要資助我哋呢班未買樓者置業,人人安居樂業,香港就會變得更加和諧啦!! |
|
24. TO : 小吉 2010-08-07 03:14:56 |
|
小吉, no need to worry ! HK flat prices will become much more cheaper in the year 2012! Wait until the second half year of 2011 and you will be very surprise ! |
|
25. 88年出生的我 2010-08-07 10:25:59 |
|
致 小吉 : 1) 你講既野絕對不是大部份未買樓既後生仔的心聲
2) 講野係要負責任, 唔係講完有冇大不了
3) 買左樓係唔想跌呢個係事實, 亦都唔係因為你就可以唱得衰, 你果時冇錢買唔到
怪得邊個, 你而家買到未必會蝕, 另外, 你覺得唔抵可以唔買, 唔買你咪租屋囉, 係呢
個通脹既氣氛下乜都貴, 如果樓市唔跟住升, 買樓黎做乜 ? 都保唔到值既
4) 憎人富貴厭人貧一定係錯, 地產商同炒家都冇呃過你錢, 商業社會就係咁, 你願買我願賣
你覺得冇付出但又一定要買到樓, 唔該, 請你移民去北韓, 謝謝
5) d錢係人地既血汗錢, 人地捐係佢地慷慨, 但係人地唔捐係合情合理, 唔覺得佢地衰, 你
有本事咪好似人地咁白手興家囉, 你做得到, 小弟就會覺得你叻仔
6) 上篇文講過, 要商業自由, 就要減小政府干預, 我想香港繁榮, 乞求香港政府不要資助,
我情願十年後買樓, 也不要無以為繼!!!
7) 我係好憤怒, 見到D所謂大學生D思想咁幼稚, 用政府咁多錢, 咁多教育經費, 但係D人
係讀屎片, 簡直不知所謂 |
|
26. 我是81年出生 2010-08-07 11:46:21 |
|
re:88年出世的我 1) 豪宅好貴, 我買唔起, 要政府送, 正確 ?
戒指好令, 我買唔起, 商人要收平D, 正確 ?
唔做野, 有飯食, 正確 ?
樓同介指係呢個情形既分別係介指唔會兩年升40%, 如果係, 香港既傳媒又會大肆喧染, 依家樓價由海嘯至今升幅驚人, 由158萬升至258萬, 如果唔係有班炒家再加內地人來港, 樓價緩緩升我唔會反對, 依家係10%+10%俾人摩售, Mark up, 好多人人工都追唔度
2) 當年香港機遇處處, 易家只可以話我地發展空間細左, 工廠好多回歸祖國, 香港靠咩呀? 旅遊/房產? 唔同年代無得比較既, 以前香港人成日返內地消費買內地樓, 依家人民幣高水就風水輪留轉, 來港中國人分兩批, 有錢無錢, 有錢就投機, 無錢就住公屋拎綜援, 我地好多人就入息過左唔夠排公屋, 唔似得好多人過18就排埋一份, 居屋又無起, 新樓無諗過, 二手舊樓就逼滿我地呢類人, 好多問題由似而起
|
|
27. 支持小吉 2010-08-07 11:59:50 |
|
小吉,你係啱嘅,你嘅言論係大多數未買樓者嘅心聲,都係我哋年青人嘅寫照,我哋支持你. 果啲已上車置咗業者,由於已享受升值成果,自然就多風涼說話,呢啲都係唔負責任及自私嘅行為,同為富不仁和官商勾結同出一轍. 香港貧富咁懸殊,就係因為樓價升得太離譜,使有物業者暴發,搾乾我哋嘅血汗錢,所以我哋要齊齊反對高樓價,來緊要做嘅就係要好似罷工咁罷買樓至得! |
|
28. 小婦人 2010-08-07 12:54:48 |
|
小婦人是70後,有工作有樓有小朋友, 80後所要面對的, 我全部經歷過, 80後未經歷的,我都經歷過. "小吉" 及"支持小吉" 的你們, 樓價升跌, 對我來說, 數字遊戲而已, 如樓價高升, 我賺了, 但我的子女 置業時, 他們又要付出比我賺的更多; 相反, 樓價跌了, 我的物業貶值了, 但我的子女置業時,他們不會太吃力. 因此, 長遠來說, 到底我是賺了? 還是賠了? 97~01的短短十多年內, 樓價已經歷了數個高低潮, 買樓又何必急在那一時三刻呢? 本論壇內所有給你們的, 是善意的嚮導, 希望你們有一個良好的價值觀, 腳踏實地,不要急功近利, 為長遠作好打算. 人的一生之中最為寶貴的, 是你們的前途和將來. 作為一個媽媽的我, 讓我最感光榮和驕傲的, 是子女在專業領域內的成就和表現, 其他的, 身外物而已. 不相信? 你們自己向父母求證吧! |
|
29. 支持小吉 2010-08-07 13:16:22 |
|
小婦人你是女流之輩,我哋唔計較,但你嘅言論有偏差矣,70後嘅你有樓自然身家膨漲,可能唔止一層添,但你說有樓冇樓你都經歷過,那理應諒解未上車者之苦,至於仔女年紀尚輕,言之尚早,太遙遠嘅事邊個預料得到? 但係宜家就係樓價貴上車難,叫我哋點等呀,唔通結婚都要等多十年?,遠水點救近火啊! |
|
30. 我是81年出生 2010-08-07 15:09:28 |
|
我只想講, 贏不能贏盡, 輸就會一舖清, 今日有樓唔係咩好風光, 一重建的話唔覺得可以係原區購買, 所以我想講係做人留餘地囉, 有樓唔想樓價跌, 但係無樓就唔想樓價升(得太急), 今日我地對, 第日可能你地仔女會面對更差...
另外, 有樓唔想樓價跌? 層樓自住又唔跌低過你買入價的話怕咩? 除非係果班炒家, 依家果市跌都唔會多過兩成(同埋好大機會唔跌)
而且係資產升值遊戲梗有輸贏, 買樓自住投資都好, 無得輸打贏要架!
|
|
31. 大樓 2010-08-07 21:08:03 |
|
年青人首次置業難,幾時都係咁,以前嘅年代更加困難,只不過先人嘅忍耐力較強,肯付出唔計較而已.宜家年青人沉唔住度氣,自由民主慣了,搵唔到錢上唔到車都係政府嘅錯和社會嘅錯,全世界都欠了佢哋.要不斷咁吵至顯得有地位. 本人以前未買樓都係咁心態,宜家睇番覺得以前好自私,香港有百萬業主,買樓應該有保值功能至正確,我提議小吉快啲去買樓,等佢買咗樓之後,再訪問佢對樓價嘅睇法就知立場有冇改變啦! |
|
32. 上車苦 2010-08-07 21:41:02 |
|
香港樓價這麼貴全世界都知道,但是仍然有很多人支持高樓價,証明多數有樓者都是很自私的,情況就好像政府和地產商一樣,不理人民的反對,都一定要推行高地價高樓價政策,以保住庫房收入. 我們未置業者注定要做上車苦一族,為何香港不向大陸學習,人家真的有很大進步,大陸政府都有政策去打壓樓價,香港為何沒有?自由經濟市場如不適合香港,那麼學習社會主義計劃經濟可能更好,起碼樓價跌了,買樓置業較容易,民間埋怨都少一點! |
|
33. 88年出生的我 2010-08-08 10:18:03 |
|
可否不要思想這麼狹隘 假設身為一個政府, 制定措施是要考慮好多分面的, 不是只單一一方面
我看見很多人話買左樓既人自私, 唔俾政府剎車
你地係都要政府出招, 意欲令香港現時唯一優勢 - 經濟自由, 都冇埋, 唔係更加自私咩 ?
每一件貨品, 有市場既時候, 價錢自然會高, 市場都會有個balance係度,
香港係吋金呎土, 想做2年野就自己有層樓 ?
會唔會太大貪呢 ?
係牙, 買樓係唔容易, 一向都唔易架啦, 以前好多市民人工都係低,
唔係2-3年可以買到樓, 一樣係租樓, 之後藉著節儉先有舊錢去買樓
我覺得而家已經好幸運, 政府有公屋, 你真係好唔掂既可以租
起碼, 係香港未會餓死人
d人而家淨係識係度怨, 怨政府唔打壓
香港而家仲有咩競爭力 ?
轉口港 ? 外國同中國既橋樑 ?
旅遊 ?
一早唔係啦, 如果經濟唔自由, 以香港呢個購物天堂自居既地方
冇商家投資, 冇特別貨品出售, 旅遊都係遲早byebye
而家可以做乜 ? 只可以保持住人地做唔到既經濟自由
香港人先仲有飯開!!
我想問, 冇飯開, 同埋遲幾年買樓, 你地會選擇邊樣 |
|
34. 小婦人 2010-08-08 13:42:25 |
|
假如政府重推8萬5政策, 重回97樓市滑落的環境, 在這裏高呼買樓難的一群會否坐言起行, 立即入市? 為甚麼8萬5不是被市民讚揚的德政? 為甚麼當年那些因樓價下跌, 坐在長實公司門前聲討的一群今天不去登門道謝? 如政府推售限制買賣的房屋, 上樓難的一族會購買嗎? 如買樓不會保值, 只是一項開支, 會有高呼買樓難的聲音嗎? 推動8萬5的董建華, 我心目中的良心父母官, 為何只得到罵名? "投資置業"在香港絕對是一項個人的投資行為, 樓價的升跌, 絕對牽涉到個人的利益, 如政府為了某部份組群而行使干預, 便嚴重違背自由市場的大原則, 相反, 政府要做的, 是嚴防市場大起大跌, 讓國際金融投資者從中圖利, 加建限制轉售圖利的廉價房屋, 為有住屋需求的市民提供基本需要. 再者, 市場過度波動, 對香港只會有百害而無一利, 97的經驗香港市民應該記憶猶新, 與香港有12小時時差的美國更應該要借鑑. 已經置業的一群只是樓奴, 有何德何能干預市場運作? |
|
35. 不平人 2010-08-08 15:25:38 |
|
高地價政策、高樓價、誰之過？民怨、民恨、原因何在？發水樓、誰之過？ .............無能的政府、官商勾結, 傾斜發展商, 還能推缷的責任嗎？ |
|
36. 支持高地價政策 2010-08-08 17:47:27 |
|
8萬5政策，打殘樓價，誰之福 ? 無數市民因此政策變成負資產，坎坷十年，眼下曙光在望，又來提這一套。 高地價政策有甚麼不好？香港有今日的成就都是拜高地價政策所賜。如果不是政府拍賣土地所得，香港有這麼好的福利嗎?政府錢從何來? |
|
37. 蔡X 2010-08-08 19:04:21 |
|
哈哈哈，仲以為點樣河蟹，如來升幅波及中下價樓就叫河蟹 河XXX！中下價樓係應該用黎自住，唔係用黎抄，更唔係用黎俾你地地產佬從中抽水！ |
|
38. TO : 小吉 2010-08-09 02:51:25 |
|
小吉, I say to you again ! No need to worry ! According to my detailed statistical analysis, HK flat prices must become more cheaper on or before the year 2012 ! Just watch out and keep clam ! 大樓 will become poor man within 1.5 year to 2 years. |
|
39. 社會主義者 2010-08-09 02:52:17 |
|
支持香港推行社會主義,既然香港人宜家咁仇富,大家都覺得為富不仁和官商勾結,那麼好應該推行社會主義制度,資源平均分配,將政府嘅儲備平分給港人,劫富擠貧,不要俾工商界搾乾我哋嘅血汗錢,咁樣社會就會更加公平公正. 大家睇吓民主發源地"希臘"現時日日罷工,經濟不景,負債累累,國家就快破產,証明新加坡嘅獨裁統治係啱嘅,社會主義更適合香港,最終要實現共產主義嘅大同世界,咁樣大多數香港人一定會滿意! |
|
40. 看客者平常心 2010-08-09 06:46:38 |
|
97時俾三成首期供20年，2010年俾半成首期供25-30年，上車容易落車難，買樓除个人財政穩健还講求時机運氣，寄語年青人除非生bb否則沒必要急於結婚買樓，不想与父母同住想有私人空間可做租客，一样的海闊天空．
高樓價得益的是擁有优質豪宅荀盤和靚地皮，資深投資者，游擊隊抄家和擁有多於一層樓宇物業者．不过，若果你另有地方住現在賣樓變現是好時机，
或者由港島區換樓到新界區住又或者由大單位搬到細單位，現時換樓也是好時机，至於上車还是等樓市淡季才出動吧！
現時高樓價对97年買樓的人有得益嗎？除非你收入增加但我認識的人都抱著看客心態，說穿了就是由一个火海跳入另一个火坑，然后你銀行財政回歸原點重新开始，我們这班搭1997上車客只想安穩度過2017下車而已． |
|
41. 經驗炒家 2010-08-09 08:40:59 |
|
高地價和發水樓政策的最終結果係：無知青年最終接了上一代的火棒，而且遊戲代代相傳，最終只有政府、幾幫混水摸魚的利益集團和醒目炒家得益。
|
|
42. 小婦人 2010-08-09 11:46:09 |
|
高地價政策是前朝的產物， 是香港整體經濟體系的組成部分， 亦是香港房價高企的基本原因。 高地價豐盛了庫房收益， 但同時亦導致營商成本高昂，工業北移，外來投資者撤離或望而卻步。 香港在享受高地價所帶來的效益時， 亦得需承擔高地價所產生的副作用。樓價急速擴張最終變成泡沫， 必須有效壓制和調節， 但樓市一下子被推倒重來，最終受損的會是政府和消費者，相反， 商家會樂見其成，他們有足夠的資本，以低廉成本大量吸納土地，並囤積居奇。我相信香港政府有熱誠去解決樓市的問題， 但不能操之過急，土地是香港僅有和僅餘的財富，相信沒有一個香港人希望香港的財富資源落入大才團之手。 |
|
43. 講公道 2010-08-09 12:08:34 |
|
高地價政策並非前朝(老董)的產物，老董較有遠見，把港英時期騙財的產物推倒，可惜田長霖後繼無人，群龍無首，難敵官僚，官僚不重視學者供獻已經唔係新聞，香港人被政策所累變成井底之蛙，坐困地產愁城。 |
|
44. 有樓收租者 2010-08-09 12:58:11 |
|
香港樓價只有大漲小回，大家千萬不要拿97相比，因為做成97樓價的高峰和回落的條件和現在的條件不一樣，未來樓市可看高一線，大跌出現除非歐美再爆金融風暴或美以兩國攻打伊朗。 |
|
45. 上車苦 2010-08-09 14:00:48 |
|
香港哋竟然有咁多人支持高樓價,真係很出奇,我哋未上車者真係俞覺得大陸比香港更好,起碼人哋政府都會體恤民情,唔似我們呢個政府咁冷酷無情,唔怪得民望俞來俞差啦! |
|
46. Michael 2010-08-09 14:49:30 |
|
香港是一塊福地，沒有河流泛濫，沒有地震災害，遇到乾旱有阿爺放水，沒有饑荒，全世界冇一塊地方可以相比，資金不湧來才怪，大陸各省各市、稍有點資產的都想來香港居住、升學、投資。這樣的人間樂土，大家要好好珍惜，年青人買不起樓不要再發嚕囌了，可以租樓住，租不起市區可以租新界，放下身段，退一步海闊天空。
不要為了自己一少撮人的私利，破壞了整個社會的平穩。就算將樓價壓下來，經濟肯定變壞，負資產重臨，誰都不敢買樓。到時地價低迷，政府賤賣土地，得益的又是一班有實力的地產權貴和外國投資者。 |
|
47. 路過 2010-08-09 17:57:42 |
|
又一XX文章 |
|
48. wham 2010-08-09 19:05:57 |
|
agree with upstairs. |
|
49. wham 2010-08-09 19:05:58 |
|
agree with upstairs. |
|
50. Caution ! 2010-08-10 01:20:14 |
|
"香港是一塊福地", the above statement can only to be true that HK has no earthquake, anyway, it can be correct before when HK is still under the control of UK. However, don't forget when HK bring back to China, HK have many big problems including SARS in 2003. HK flat prices must be adjusted to downward on or before 2012 ! |
|
51. ATTENTION ! 2010-08-10 01:22:06 |
|
In the coming year 2012, those who hold many properties in HK will be LOSER ! |
|
52. 過路客 2010-08-10 02:31:30 |
|
香港是富人的一塊福地,也是窮人的一首哀歌,香港人沒有反抗和鬥爭,只有听話與順從,富人開心快樂和享受人生,窮人拚命工作仍沒錢買樓,貧富懸殊使社會分化,官商勾結與司法不公. 富人一餐飯,窮人一月糧,這太不公平了,支持"小吉"和"上車苦",他們是社會的棟樑,未來的希望,政府如未能使樓價下調讓他們上車,即是施政嚴重失誤,故意與年青人為敵,那就是暴政,政府只維護有錢人利益,我們中下階層不能再沉默,一定要起來反抗,打倒暴政,打倒樓價!社會才會和諧! |
|
53. 支持過路客 2010-08-10 02:51:51 |
|
樓價要下調最少三成至能平息民怨,香港人已經好克制,咁嘅政策使樓價暴升,后生仔上唔到車,理應到處見到佢哋游行示威. 現在鄭重警告當局,如果再唔識做,後果必定非常嚴重! |
|
54. 看客者平常心 2010-08-10 04:06:20 |
|
所謂自由市場即是資金自由流向→自由買賣物業，人自由流動→容許內地居民和外国人買賣樓宇，物品自由轉移→在香港置業係冇規管買賣樓宇種類用途和價格．而這个公認的自由市場操控權在於政府手上，市民被政府牽著鼻子走，君不見什麼需付三成首期，八萬五，租者置其屋，夾心階層置業計劃，停售居屋，採用勾地政策，按揭保險等多不勝數，不管董建華或曾蔭權对樓市都沒長遠方針搖擺不定．．
客觀地說現時樓價偏高，這樣下去買賣樓宇變成有錢人的玩意，基層市民住公屋，低下階層至中產家庭便要捱30年儲首期供樓，供完樓可能被迫強拍或在強積金中抽部份錢來做樓宇保養維修呀！
其實，香港有很多唐樓和空置工廠大廈可以用來發展住宅物業，香港需要一个英明領導者引領樓市發展，我相信30年后香港仍舊是一塊福地，我們下一代再下一代不需要為買樓供樓而煩惱，人民安居樂業，对香港更有歸屬感．． |
|
55. 抽水哥 2010-08-10 09:53:28 |
|
好簡單, 樓如果唔識升, 你地會唔會買?!? 講住屋須要, 政府起多d公屋出黎就搞掂啦!! 講投資須要既, 就唔好嘈上唔到車!! 投資盤 =/= 上車盤, 而且, 唔識升既樓係没投資價值的!! 最後, 樓同其他投資產品一樣, 都係有cycle 架, 唔好以為只升不跌!!如果咁天真既話, 我奉勸你地唔好買樓, 唔好做任何没資, 因為實輸死你地!! 忍幾年, 儲多d首期, 等下一個cycle 吧!! 無錯, 我係業主, 黑心d講句, 我都想政府出手, 用首置幫d人上車, 到時我實沽貨!! |
|
56. 各位青年人 有辦法 2010-08-10 09:56:42 |
|
各位青年人現在香港地既情況系好難改變， 我提供 2 個方案比你們努力去實現 1. 要求政府好似中東猶長國咁，滿 18 歲就由政府送層樓。 請各位青年人努力地系香港范圍掘個日產 5 萬桶既油田出來。 2. 搞革命，無產階級當政，將所有財產公有，平均、平等分配，一於做共產黨， 靠你地喇青年人 |
|
57. 小婦人 2010-08-10 11:18:46 |
|
辛棄疾 | 少年不識愁滋味，愛上層樓。 愛上層樓，為賦新詞強說愁。 而今識盡愁滋味，欲語還休。 欲語還休，卻道「天涼好個秋！」 | 大家所處的階段不一樣而已， 但寄語年輕人，在香港投資房產可能涉及到你的個人長遠利益，最重要的是量力而為，急不來的。就算香港的房價局部高企，但環球大氣候都會影響到他的升跌。回顧97，亞洲金融風暴導致香港樓市下滑，2008年的環球金融危機導致美國，歐洲，迪拜樓股急挫。放眼四周，別因朋輩的炫耀而心生自卑，先努力在工作上爭取表現，爭取升級和加薪吧! 我經常告誡孩子，機會是給有準備的人去抓的。 |
|
58. 上車苦主 2010-08-10 12:13:50 |
|
其實點解結婚一定要買樓?唔買樓,租樓就唔結得婚? 我喺七十年代人,想當初買樓係問阿媽借錢,買嘅係嘉湖山莊,借九成.都係收住租同阿媽住.仲要係一買就跌,其間供左幾年供到嘔血,白頭髮都多左唔知幾多!你估買樓一定賺梗架!? 就算樓價跌到你可以買到嘅水平,到時你夠胆買咩?你有無諗過要供架?到時無工做,或者減人工仲要供樓,你有無諗過幾痛苦呀? 樓價有升有跌,你估長時間都咁高咩? 而家粉嶺啲居屋都係一百萬都買到啦,我諗收入唔高都買到掛,如果真係咁都唔夠錢買,又何必勉強一定要做業主,咪盞自己辛苦! |
|
59. 上車苦主 2010-08-10 12:46:28 |
|
而家啲人,乜都鬧政府,想當年我哋老豆老母都係偷渡過黎捱生捱死至捱大我地呢一代,但係都唔會有怨言,而家啲後生仔好似無晒呢啲精神,我覺得佢哋嘅諗法最好就係唔洗錢,又可以住大屋,仲要方便返工住市區,呢個世界邊有咁筍嘅嘢架? 講真,而家都仲有好多樓都仲好平架,如果無錢又想結婚又要買樓,咁咪將就吓住遠啲住細啲囉,再唔係咪返大陸發展囉,去啲二線城市做嘢(一線啲樓仲貴過嘉湖多多聲),啲樓又平,啲女仔又靚,咪可以提高生活質素囉,但係你哋又好似裙腳仔咁唔敢踏出呢一步,咁仲有乜好怨啫? 我就係北上發展嘅,唔好話我齋吹唔做. 而家嘉湖啲價仲平過對面嘅深圳樓呀,大哥,唔係你哋買唔起就叫做貴架.扣左建築費,即係千零蚊地價咋.唔通咁都叫做貴呀!?我好認同施永青嘅講法,政府只係有責任保証居民有得住唔洗瞓街,但係無責任保証每個人都做業主架 我都係無錢問人借黎買樓,捱生捱死供左幾年先叫賺到少少,但係我都無怨過任何人丫,要怨只能怨自己無眼光入錯市同埋無本事賺得少囉, 入錯市咪繼續供當儲錢囉.成日怨呢個怨嗰個迟早生CANCER呀細佬 |
|
60. 有樓收租者 2010-08-10 13:21:32 |
|
哈！上車苦主的話都幾聽！ |
|
61. 上車苦 2010-08-10 14:47:19 |
|
俞來俞發覺好多人唔講道理,尤其係已上車置業者,"上車苦主"已買樓點算係苦主呀,仲囉囉唆唆如說教般講埋啲不實際嘅風涼話. 老實講,多數人都係自私嘅,宜家樓價升咗,有樓者沾沾自喜,難為我哋年青人上車咁苦,冇樓唔知點算,對香港冇安全感,總之一句講哂,政府及社會有責任照顧年青人,就好似照顧老人家一樣! |
|
62. 上車苦主 2010-08-10 15:08:15 |
|
你而家見到人地賺就梗係覺得好啦,你都未試過負資產嘅味道,梗係站著說話不腰疼. 基本上我覺得同部份後生仔有代溝,都係唔好出聲,費事教精你仲要俾人鬧 |
|
63. 上車苦 2010-08-10 15:21:17 |
|
我會選擇等待,我就唔信樓價會長期高位唔回落,睇你班大陸客幾時轍退,到時樓價大跌,有樓者將自食其果. 風水會輪流轉嘅,睇"上車苦主"等等呢班人威風得幾耐? |
|
64. 小婦人 2010-08-10 15:36:17 |
|
政府絕對有責任照顧老人，因他們一生為社會勞碌，為社會做出了供獻，今天的繁榮，由他們一手構造，今天的庫房儲備，大部分由他們的血汗集合而成。今天他們年紀大了，缺乏工作能力了，社會有責任和必須回報。社會培育一個小孩， 從嬰兒成長，從小學到大學， 期間經歷20多年， 政府所花的成本，難以用筆去計算。 社會用無限的金錢去栽培一個小孩，一個青年，是希望他們能夠自力更生，好好做人，不求你們成棟成樑，但最少，最低限度，希望你們能夠用自己的一雙手去創造未來。路是用腳去走出來的，橋是用無數的手去搭建的，難道香港的未來還需要老人去照顧嗎？ |
|
65. 有樓收租者 2010-08-10 15:48:55 |
|
“上車苦”，你不要迷信樓價會大跌，你不如老老實實在新界偏遠的地方買層樓住住先。等樓價跌？大升之後一定會跌，跌後的價將比今日為高。你不如聽聽李超人講，今日買貴了樓，幾年之後便發覺買便宜了。本人一有多餘資金便買樓收租，以前買落的，現在計起來都超過10厘收入，扣除按揭2厘，有8至9厘回報；半年前買入的一層，都有7.5厘，淨賺5.5厘。除非樓價高到亞媽都唔認得，我才會出售，但現在亞媽還認得我，所以我不信樓價會大跌。望政府打救？自求的人才多褔啊！ |
|
66. 上車苦主 2010-08-10 16:07:36 |
|
我又唔係偷又唔係去搶,自己辛辛苦苦供層爛鬼嘉湖山莊,咁都要俾人詛咒,好似有層樓就係罪人咁款,而家香港社會真係奇怪!? 負資產嗰陣又無人可憐,搞到爭落一身街數,而家啱啱返到家鄉就俾人當係暴發戶,憎人富貴嫌人貧又一好例子 |
|
67. 抽水哥 2010-08-10 16:14:45 |
|
HAHA...好酸!! |
|
68. 哈哈大笑 2010-08-10 17:24:10 |
|
|
|
69. Sam 2010-08-10 17:28:33 |
|
我地經過 87、97、03、08年風浪洗禮，艱苦地奮斗， 呢 D 80 後年青人無經歷過邊度體驗到艱難困苦， 大家語重心長，忠言逆耳，無法 la 等時間給他們給一個教訓。 而且買樓自住，投資收租，樓價升跌根本無多大影響。 不自量力+貪心個的炒家跌死都唔使可憐。 |
|
70. 上車苦主 2010-08-10 18:04:30 |
|
97年大把人揩嘢甘過我多多聲啦,當年大把人俾銀行CALL LOAD CALL到破產跳樓啦,我呢啲濕碎料啦 不經一番寒徹骨,哪得梅花撲鼻香 未捱過都唔知世界艱難;供吓樓先可以令人成長嘛 |
|
71. 小婦人 2010-08-10 18:30:31 |
|
我現在支持“上車苦”“上車難”和“小吉”，請你們向政府咆嚎，要求推低樓價吧！並呼籲已置業者，儘快趁機變現，靜候政府的干預，推低樓價，我們再在低位入市吧！我們的分析太難了，他們聼不明，也看不懂。 |
|
72. 香港人快樂指數下跌 2010-08-10 19:13:10 |
|
自少讀書求分數，出來做事求買樓，中年以後為小孩求分數担憂，老年以後為子女求買樓煩惱 難道生存就為了成績表和買層樓？有了這些會自我優越感，活得自豪，人前自信 究竟是社會價值觀被扭曲抑或人們價值觀被同化 ？？？？ |
|
73. KCC 2010-08-10 19:47:34 |
|
其實未上車的又無須怨氣,現在炒到熱哄哄,上車也可能是接火棒,塞翁失馬,現在儲多些錢,將來鬆動些更好,本人投資物業多年,經歷97,沙士,樓市始終是週期性,現在炒落後由將軍澳去到天水圍,通常己差不多尾聲,若貪平屈就買到老遠地方,金錢及時也花去了,而且天水圍是落後屋苑,現在對比97還差3成多,落後總有原因,買樓強者越強,02年九龍站物業開賣,4仟幾5仟元尺,有朋友說貴去將軍澳買了三仟多元的盤,今天九龍站己升上2倍多,將軍澳現在多少錢?心知!我不是叫大家買九龍站,只是買樓不是貪平,是時機及地點很重要. |
|
74. 小吉 2010-08-11 04:03:26 |
|
"過路客"講得最有道理,他說的話才像樣,如:"富人一餐飯,窮人一月糧"等等,這是多不公平的社會,難道各位都看不到嗎?過路客說中年輕人的心聲,也說出香港的現實景況. 這麼多人撐樓價升,原因只是因為他們已買了樓,樓價升了身家就厚了,那麼財產增加便自我威風,這些全部是在為了捍衛個人利益狡辯,太自私自利了,港人怎麼變得俞來俞不近人情. 我小吉生長在這個年代,讀書和工作都算勤奮,就是遲了上車置業,如現在去買樓要白白買貴幾十萬,真是心有不甘,這個政府和社會都是自私和冷酷的,我們年青人要團結起來,罷買樓齊上街,抵制樓價高漲,抗議政府暴政!! |
|
75. 神的子民 2010-08-11 04:30:55 |
|
八十後既後生仔女你們放心喎!經濟起趺時候實會有的,仲要係鍋鍋新鮮鍋鍋甘的,不要給眼前既好景現象蒙敝,你們還後生,大把好似87,98,03,09年既低谷還會重複地發生,到時候你們在低谷上了車後,你們既人生觀將會180度地改變,我們啲六七十後既也唔會看少你們八十後的,要努力勤奮,增強自己既知識,因你們是社會未來既楝樑。 |
|
76. 抽水哥 2010-08-11 09:53:21 |
|
不經一番寒徹骨,哪得梅花撲鼻香 => 講得好!! 2003 - 2009 年大把時間/大把平樓 慢慢睇又唔買, 到左2010 升到痴晒線先黎嘈上唔到車, 哈哈...多謝你地尼班人, 我地先至可以高位變現!!! 至於話岩岩出做野3幾年既年青人, 無屋企人幫首期既話, 就算吧啦...樓唔係咁容易買架. 其實你地係香港都生活左咁耐, 都仲未明白香港既遊戲規則, 真係失敗(可能係教育制度)!! 得兩條路, 1. 推翻尼個遊戲規則, 2 番大陸住啦 (講到大陸咁好!!) 番大陸住幾時俾人拉去打把都唔知, 香港樓價仲包括左尼d咁既因素, 係無得去量化架!! |
|
77. 88年出生的我 2010-08-11 10:16:50 |
|
你睇下個小吉諗野幾自私 只係識話人地買左樓唔想樓價跌自私
佢自己未買樓,想樓價跌就係唔自私? 其實社會係公平的, 反而共產係唔公平的
人地叻d, 搵錢搵多d, 係應該架, 你可唔可以好似人地咁樣搵咁多錢丫?
咁小吉哥, 你咁蠢, 又想好似人地咁搵咁多錢, 住洋樓養番狗 ?
不如發多d夢中6合彩好過啦
自私既係你牙
我講左咁多次, 講左唔要樓價跌其實係顧全大局既做法,
話自己係年輕人, 但係你就完全冇年輕人應該有既虛心去學習人地既想法
你真係好短視囉, 香港政府教左你出黎, 同倒左d錢落堆屎到冇分別
好多香港人辛辛苦苦儲錢, 日日捱更抵夜, 老細鬧唔敢頂咀, 死慳死抵先買到樓
你而家為左一已私慾就話要樓價跌, 係非常不近人情, 自私, 短視既行為!!! |
|
78. 上車苦主 2010-08-11 11:16:32 |
|
同意KCC嘅講法,漿糊山莊出名係藍燈籠,升到佢睇怕個市都差唔多.所以近期我都會沽貨.供左5年終於可以甩難啦! 抽水哥, 小弟喺大陸做左兩年嘢,其實以香港嘅收入喺大陸住真係幾好架,生活質素絶對好過喺香港多多聲.大陸絶對自由,有錢唔搞政治就無問題啦.北望神州真係可以諗吓 |
|
79. 支持小吉 2010-08-11 12:10:31 |
|
支持"小吉"和"過路客",富人一餐飯,窮人一月糧.講得有理,呢個世界幾唔公平,反對官商勾結,樓價高企使地產商暴利,搾乾上車者血汗錢,我哋唔要成世做樓奴! |
|
80. 88年出生的我 2010-08-11 12:36:23 |
|
''支持小吉''先生 你支持既理由係乜呢, 咁你唔認同我地既理由又係乜呢
如果你係冇道理既, 我建議你都係唔好盲目支持了 因為咁樣係會遺禍社會的 都係果一句 我情願10年後買樓, 也不要香港無以為繼!! |
|
81. 小業主 2010-08-11 12:44:07 |
|
"大陸絶對自由,有錢唔搞政治就無問題啦" 真係???????????????? |
|
82. 支持小吉 2010-08-11 12:45:19 |
|
點解啲人咁唔講道理,我哋買唔到樓,連想樓價跌嘅自由都冇啊,呢個係什麼世界! |
|
83. 小雲 2010-08-11 12:53:32 |
|
小吉等人很自私，自己未買樓便想樓價跌，自己想入市便希望別人的資產先貶值，等到自己有一天真的入了市，買了樓，又想樓價升，最好升完又升，早將昨日的我一腳踢翻在地。不信？這是人性啊！哈哈哈...... |
|
84. 88年出生的我 2010-08-11 13:12:19 |
|
我都未買到樓, 我都仲努力緊
買唔到樓係有原因, 未必係因為其他人, 可能係因為你自己
我見到好多同我差唔多年紀既人, 應該同我人工差唔多,
都係8K - 10K, 但係好多年青人都會崇尚名牌, 花好多無謂既消費,
例如行街睇戲食飯唱K浦吧飲酒,
我唔同, 我出完糧一有錢, 扣除必要開支, 就放落股票儲錢
如果我咁樣做20年都儲唔到首期買樓, 我一定會出聲
但係呢, 而家其實只係儲1年左右, 就可以夠錢俾首期做9成半, 行HIBOR就供到嘉湖
香港既生活環境係咪真係咁差呢?
政府係咪真係咁唔得呢?
我又唔覺
只係睇下你用咩心態去買樓姐, 又要馬兒好, 又要馬兒不吃草係冇可能的
用下腦啦, 唔用腦既大學生年輕人們 |
|
85. 小婦人 2010-08-11 13:14:35 |
|
希望樓價跌的人沒有不對， 希望樓價升的人也沒有不對，但年青力壯，卻希望政府照顧的年輕人絕對不對。損人利己的想法不對，妒忌別人的收穫和成果不對，諉過於他人的想法和行爲更加不對。 如果所有年輕人都有這種想法，是香港的悲哀！ |
|
86. 上車苦主 2010-08-11 13:20:38 |
|
塘邊鶴永遠都係塘邊鶴,到左真係跌左幾成又唔會買架啦,因為怕繼續跌,升左又眼紅人地 人地賺到錢係因為人地冒風險,想無風險又有投資回報,最好將啲錢擺喺銀行收息,但係都會有銀行執笠嘅風險. 所以想無風險又有投資回報純属意淫而已 |
|
87. 88年出生的我 2010-08-11 13:20:58 |
|
TO : 小婦人 非常同意
現時香港, 還不是悲哀的
我和我的很多朋友, 都和我有同一樣的想法
我們都只是20開頭的年青人
香港 - 還是有希望的 |
|
88. AOYAMA 2010-08-11 14:30:18 |
|
GOOD POINT ! |
|
89. 小婦人 2010-08-11 14:33:01 |
|
“88年出生的你”和你的朋友們，加油！ |
|
90. 支持小吉 2010-08-12 03:18:19 |
|
加油呀!朋友們,願你哋永遠都做樓嘅奴隸,用一生精力去搵錢供樓吧,係呢個充滿欺凌嘅社會裡面,做一個擁護官商勾結,支持為富不仁嘅傀儡! |
|
91. 支持小吉 2010-08-12 09:30:38 |
|
加油呀!朋友們,願你哋永遠都做樓嘅奴隸,用一生精力去搵錢租樓吧,用一生精力去搵錢幫業主們供樓吧,係呢個充滿欺凌嘅社會裡面, 永遠做一隻被業主欺凌/加租/逼遷而居無定所既無殼喎牛! 唔使驚, 香港仲有生果金既, 不過都要希望香港高樓價政策仍然行之有效, 唔係, 連生果金同公屋都無埋架啦!! |
|
92. 小婦人 2010-08-12 14:12:10 |
|
‘一念天堂， 一念地獄’ |
|
93. TO : 小吉 2010-08-12 23:15:59 |
|
"願你哋永遠都做樓嘅奴隸,用一生精力去搵錢租樓吧,用一生精力去搵錢幫業主們供樓吧,係呢個充滿欺凌嘅社會裡面, 永遠做一隻被業主欺凌/加租/逼遷而居無定所既無殼喎牛! " The above comments is just what a bullshit ! 小吉 Are you still young ? You can live abroad (exclude China) using the exchange programs in overseas ! Why still just buy a flat in HK ? If you still young, no need to stick on it ? You will have many chances to success in overseas. Of course, if you like to live in HK only, no comments ! For me, I am a middle class man and I don't like to live in HK anymore ! Why ? If you still to pay a large sum of money to buy a flat and all your money will go to your mortgage bank or the land developers ! Do you still think good if you have to have other money to put for your children such as education and so on. For me, I have a higher education and just can say HK education standard is still below the oversea universities. I have some friends already started to migrate to overseas countries and the trend will be more higher from year 2012 to year 2017 onwards as Mr. Tsang leave his post. |
|
94. to ALL 2010-08-12 23:57:59 |
|
i want to immigrate too... hk is too stressful, small, polluted...yet property price super high>rent also, poor education system, useless government....even though i was born here. the most critical is that i cannot see the future under the leadership of our government...so disappointing.....need to plan ahead the immigration stuff in coming future indeed.. |
|
95. 旁觀者 2010-08-13 00:25:27 |
|
政府的政策就不應讓人以炒買樓宇作為賺錢的手段,若有人把身家財產押注於樓市上,他日做樓蟹就是咎由自取,請勿埋怨人.為政者更不能說樓價未到九七的荒謬言論,意圖把樓價推高,意圖製造繁榮假象. 更不應說樓市跌,有樓者會不開心的幼稚推論, 結果就是分化 有樓與無樓 兩個階層---看讀者的回應可感受到. |
|
96. Small Potato-To : all 2010-08-13 00:51:32 |
|
I love your article, and most people think moon is beautiful when you immigrate to other country. I am a foreign student when I was young. Lonely will make you crazy, and even your can adapt their culture but you still a foreigner. A big glass ceiling block you because you are Chinese, Moreover, gambling is only entertainment to some of immigrants. H.K. is different because you are domastic resident. Your have a lot of ways to choice, for example: This blog give us many ways to do intestment and not even real estate. If you work hard, H.K. is still best choice |
|
97. 李家誠 2010-08-13 09:00:16 |
|
年青人應該到外國找機會，無謂為層豆腐潤咁細的發水樓浪費一生，到頭來窮得只剩下層樓 |
|
98. To Hong Kong Government 2010-08-15 10:19:06 |
|
解決香港地產詐騙的問題，建議跟外國老老實實統一用carpeted area作所有樓宇的面積計算, 即是每個單位內只計可鋪地氈的地板面積, 由政府統一獨立公佈, 而非各地產商或代理自行公佈單位的 carpeted area, 免得各地產商或代理再找漏洞出術。政府可從地產收益中撥非常少的數目公開招標，讓獨立專業人士計算出每個屋苑(一手及二手)的每個單位的Carpeted area，然後放上公開網站讓市民查閱。地產建設商會的所謂自律措施, 不用了。 |
|
99. 匿名人 2010-08-15 17:51:53 |
|
點解香港樓被用作抄買, 如果不作抄買, 市民不用供成世樓, 有閒錢可多點消費, 經濟應會更好些, 現在樓價高企, 不要說生兒育女, 只係為了供樓 或儲蓄首期, 都已經節衣縮食, 慳無可慳. 樓價升固然係會帶來財富較應, 但基層市民, 中產, 他們會點呢? 升升升一定係好嗎? 如果係好, 又可須出手干預呢? 如果太古城, 黃埔 都升到 16000. 每呎, 業主又是否好高興呢 ? |
|
100. 唐朝 2010-08-22 01:15:57 |
|
請政府要保護二手小業主嘅資產,唔好制定政策摧殘二手市場,二手樓仍然唔係好貴,一手新樓價格太離譜要受管制. |
|
