|
1. 正確 2026-11-09 12:42:35 |
|
好文章,貪污根源與法團權力過大有好大關係,打擊圍標志在必行. |
|
2. 正確 2026-11-09 12:44:52 |
|
"這些人當中有人長期利用法律漏洞,以自己微小的份額卻可以「揸住雞毛當令箭」,為了個人利益肆意妄為,長期欺負同大廈商舖業主等,這些事情早已街知巷聞,筆者接觸過近百個業主立案法團,最有發言權,幾乎可以肯定絕大多數的大廈維修工程都涉及貪污行為。因此也可以斷定當年成立這個「業主立案法團」的構想,是没有經過深思熟慮。此法團架構是在上世紀70年代港英時代成立,50幾年過去了,沒有甚麼特別建樹,反倒是長期貪污醜聞不斷。" |
|
|
樓宇的管理费也是貴得離譜。覺得物管公司和裝修公司差不多。你出得多少錢他,它就能砌出多少錢開支。 就算唐樓也很奇怪,未有立案法團時相安無事,少少清潔垃圾費。有了立案法團,就多花樣,就是不停的公費通渠、維修開支,源源不斷。 |
|
5. 形勢未料 2026-11-09 16:11:11 |
|
個個都知法團批工程俾維修公司,存在好多利益輸送,但降低法團權力需要三讀通過,唔容易. |
|
6. 東風 2026-11-09 16:24:20 |
|
支持蔡生文章,將業主立案法團降格為業主委員會,至係最好嘅做法,否則出咗事政府介入調查,是事後行動. 從一開始阻塞貪污源頭至係明智之舉. |
|
7. 大小事 2026-11-09 17:33:41 |
|
文章好有知識水平,蔡老闆對立案法團好了解,肯定係貪污源頭,一定要解除. |
|
|
感覺法團和物業管理公司對於開支相當合拍。管理公司要加管理費時,法團委員都很支持。 |
|
10. 法團過來人 2026-11-09 23:54:59 |
|
回應管理費貴的問題,我做過小型屋苑的法團,有很多開支是減冇可減: - 消防年檢:先掠你一萬檢查費,再掠你十萬八萬工程費,鑊鑊新鮮鑊鑊咁,天下烏鴉一樣黑 - 電梯保養費:每月過萬,等如一位員工 - 最低工資請不到人,近10年人工貴了很多,COVID時請不到人,有些只打散工,才能夠攞政府津貼 - 保險自從山竹後加了不少,如果買足火險更貴 - WR2,消防令,大維修令,非法僭建拆除令,斜坡修葺令等等,年年都要勞心勞力還要燒錢 - 有些確實是自找的:安裝大門自動感應開門,增設CCTV防止高空擲物,購入660L垃圾桶及升級用垃圾車自動化傾倒... |
|
11. 好奇怪 2026-11-10 00:35:14 |
|
點解咁多年冇人貿疑,咁少份額嘅法團成員,揸住咁大權,操控數千萬甚至過億嘅維修工程話事權,就係貪污嘅導火線. |
|
12. 好奇怪 2026-11-10 00:44:15 |
|
唔好引人犯罪,法團權力過大就係會令工程公司巴結行賄. 作者講得好,只有高薪至能養廉,呢個係金科玉律, |
|
13. 好奇怪 2026-11-10 00:51:09 |
|
想唔給人話係貪污城市,唯有希望政府全面介入取得招標話事權,工程由頭到尾跟進,小業主出一部分錢作為經費,好過俾人貪污變豆腐渣工程,損失更加慘重. |
|
14. 雲在青天水在瓶 2026-11-10 14:43:36 |
|
對於蔡生的文章與留言區的回應如此情緒化,感到意外和遺憾
在香港的大廈管理體系中,業主立案法團與業主委員會最核心的區別,在於法律地位:法團是擁有法定權力的“法人”,而業委會僅是咨詢性質的“非法人”組織。 |
|
15. 雲在青天水在瓶 2026-11-10 14:46:18 |
|
核心區別在於
· 法律地位:立案法團是獨立法人團體,可以法團名義起訴、被起訴及承擔法律責任。業主委員會是非法人組織,不具法律效力,業主須以個人身份提告。
· 權力來源:立案法團由香港法例第344章《建築物管理條例》賦予法定權力。業主委員會由大廈公契成立,權力來自私人契約,非法律直接授權。
· 核心職能:立案法團擁有決策權和執行權,可聘請/解雇管理公司、決定財政預算、監督維修,並承擔公用部分的法律責任。業主委員會僅咨詢性質,代表業主反映意見,管理公司可自行決定是否採納。
· 兩者關係:根據《建築物管理條例》,大廈一旦成立法團,其管理委員會將取代原有的業主委員會,兩者不能同時並存。法團的管理委員會涵蓋了業委會的所有職權。 |
|
16. 雲在青天水在瓶 2026-11-10 14:48:42 |
|
所以, "將業主立案法團降格為業主委員會" , 是法制的倒退 |
|
17. 大彊 2026-11-10 18:51:24 |
|
雲兄好有見地,理解同蔡生係一樣. |
|
18. 大彊 2026-11-10 18:56:30 |
|
蔡生嘅意思係業主立案法團權力過大,害處太多,係貪污嘅根源,比工程公司更嚴重. 故要降級為業主委員會,好似太古城咁樣,我支持蔡生. 讓政府順理成章介入主導,至能杜絕貪污行為. |
|
19. 東風 2026-11-10 19:04:05 |
|
有啲法例係惡法,對社會冇益處,唔單止要削減權力,係要廢除. 就如業主立案法團,成立56年,法圑成員夾埋工程公司,貪污未停過,又從未檢討過,呢個係當年失敗嘅立法. |
|
20. 法團過來人 2026-11-10 23:21:38 |
|
我一位法團朋友搬去了一個大發展商自己管理的屋苑,沒有業主立案法團,只有業主委員會。
結果大發展商附屬的管理公司長年把持屋苑管理,管理費任加,呎價是我們法團的兩三倍。發展商管自己擁有的商場?管理費好平的。管理問題多多,我朋友恨不得可以自己成立法團,換走管理公司!但到口的肥肉發展商那會放手呢? |
|
21. 法團過來人 2026-11-10 23:39:25 |
|
不要太天真以為政府/業主委員會管理就沒有問題!
以為用業主委員會就有好結果?Sorry, too simple and naive, 這等於把生殺大權交給管理公司。沒有制衡的權力,必然引致腐敗!
交給政府管理真的好嗎?負擔得起公務員的人工嗎?政府更有效率嗎?是否像公屋的環境最理想?再引入扣分制嗎?
作為業主,你想自己選擇管理公司,自己定怎樣管理屋苑嗎?想自己揀選清潔承辦商嗎?大維修要做什麼?油外牆還是換紙皮石?什麼顏色?會自己檢查打鑿外牆,跟進鋼筋修復嗎?還有太多太多,我們認真處理,見到果效時是很有滿足感的!
一切問題歸根究底,是業主不能抱著旁觀者的心態!自己物業自己管理是最合理,最上心的。正如理財,你可以交給別人打理,十年也不看財務報告一眼,到有一天發現老本被人蝕晒又怪得誰呢?
|
|
22. 舊樓剋星 2026-11-11 00:27:03 |
|
點解舊樓咁價殘又冇人買,立案法團嘅臭名和亂七八糟,係最大嘅問題. 城市花園係一個例子,原本咁好嘅樓,被法團人士及工程公司爭維修工程,搞到日日嘈交,10幾年維修逐啲逐啲來,大維修就做唔成,宜家價錢平過單幢樓. |
|
23. 大鄉里 2026-11-11 07:39:57 |
|
支持蔡生, 法律原則是公平公正,有利社會。 .業主只能十足付出,卻任由宰割,被按在地上磨擦, 明顯法律漏洞已被利用, 是有問題。 |
|
24. 過路者 2026-11-11 15:44:07 |
|
21樓兄台:
業主立案法團成立56年,的確未聽過有人稱讚,點解義工都冇人讚? 人性嘅貪婪冇得改,權力過大係死穴. 點解咁多貪污?只有讓政府介入,至會比較公平. |
|
25. 講得啱 2026-11-11 16:45:18 |
|
呢啲立案法團成員沒有專業主知識,又容易俾工程公司送禮行賄,到處見到利益輸送. 支持蔡生,立法會三讀取消立案法圑,唔好俾人有犯罪機會,行返正路還香港廉潔城市. |
|
26. 過來人 2026-11-11 23:57:11 |
|
我寧願信任專業管理公司,業主委員會監察就足夠. 業主法團成員質素低,政府早應介入及主導. 呢班人冇知識,貪污又獨攬大權,成日想搵著數,我唔鍾意. 管理公司起碼禮貌及專業,交管理費條氣都順啲. |
|
27. 大小事 2026-11-12 18:55:32 |
|
支持蔡生,一個咁嘅團體,臭名遠播,無存在價值. 嚴重影響香港廉潔形象. |
|
28. 法團過來人 2026-11-13 11:46:06 |
|
致24樓朋友:
其實我不是稱讚法團,事實上正是因為上屆法團黑箱作業,又懷疑與管理公司勾結,再加上面對大維修出現亂局,我們一班街坊才從零開始頂硬上,入了法團,換了管理公司,妥善地完成了大維修。我理解到只有親力親為才能處理到大廈的各種問題,當中我們也經常求問於民政事務局,以及市區重建局的招標易顧問,幫了我們很多。
管理公司自己會管理好屋苑嗎?我們上手管理公司一開頭還好,過了幾年後就態度及服務都很差,屋苑失修無人過問。我認為再好的公司,都必須要業主/法團好好監察,不然只會學壞,問題只是遲早。
政府可以收回全港法團,直接管理所有屋苑嗎?以我自己經驗,法團最費時失事,最貴的任務,都是與政府監管有關:消防令、驗窗、驗樓、WR2等。如果政府自己做返,價錢及時間相信只會更多,還有 segregation of duties,人手不足的問題。直接點說,這個提議猶如解散法團,讓全港大廈成為三無大廈,政府做晒大維修等所有日常/特別維修,再逐個單位追數。這樣做之前,起碼要了解過往政府處理三無大廈的成敗得失吧。 |
|
29. 十一哥 2026-11-14 09:56:45 |
|
法團授權只有執行法規決議,主席亦唔具備個人喜好定奪權力!如果有違法定授權,就要私人𠄘擔法律責任!而管理公司有責任指引法團根據法規運作…呢點就係物管發牌嘅主要精神,但係政府點解唔將簡單嘅法律原則強調?唯一解釋就係怕冇人肯參與法團事務,所以冇私心有能力嘅業主都抱住破財避嚕囌,造就咗有心人嘅運作空間! |
|
30. 過來人 2026-11-14 12:23:35 |
|
29樓十一哥:
閣下有所不知,有立案法團嘅管理公司,只係立案法團嘅直屬馬仔,就好似哈巴狗一樣,唔單止冇權唔執行立案法團嘅指令,連提出唔同意見都唔敢. |
|
31. 過來人 2026-11-14 12:43:58 |
|
點解咁多工程公司要行賄法團成員,就係因為法例令立案法團權力過大又集中,大維修工程及大廈管理裝修及一般日常支出,都由呢班人主導,工程公司要拿到維修工程,立案法團成員批准是唯一途徑.
唔講大家唔知,這些舊樓嘅立案法團成員通常只有5-6個人,只需3人以上舉手,就率先揀選幾家維修工程公司. 之後幾百萬幾千萬甚至幾億元的維修工程,就這樣批俾呢幾間"圍標"公司.
也解釋了為何每次拉到大廈維修工程公司貪污,就一定有法團成員.
|
|
32. 正確 2026-11-14 12:50:04 |
|
只有高薪養廉,政府完全介入主導,對香港小業主才是福音,否則就算有特遣隊,只是暫時阻嚇,長遠貪污繼續出現. |
|