茶餐廳亂話（152）今日中原指數

　　今日真的是艷陽天，不過跑步就比較辛苦，我只能夠完成自己最低要求的距離，之後去到茶餐廳，坐低冇耐，老闆就走埋嚟問今日中原指數的表現會如何，升抑或跌，我相信如果不是有內幕消息，夠膽估升的人不會太多，老闆心水清，佢話如果今日中原指數仍然下跌，即是連跌四個星期，整個七月都在下跌，雖然每一次都是微跌，但仍然不可以說七月艷陽天，老闆雖然說得有道理，但在過去三個星期，指數只是下跌了些少，一個反彈，不但可以收復失地，甚至可以創新高，指數的事很難說，我唔敢同人賭。

　　有時候我真的是搞不清那些經濟學家的意思，在上個月底，我與末日博士同場討論，他講了一大堆我不明白的經濟學理論和數據，亦搞不清他是睇樓市升抑或跌，只好大膽直問，末日博士話睇升，但到最近的訪問，佢又話樓宇貴成咁，大多數人都買唔起，想唔跌都唔得，唔夠一個月又轉軚，我不大明白，老實說，這個月沒有什麼不可抗力事故令樓市下跌，無端端轉軚反而會令人失望，不過無論如何，我認為今日中原指數會微跌，其實指數升跌是不大重要，要留意的是指數話事人的言論，欣賞他在樓市下跌之際仍然可以講過前景如何美好，老實說，沒有多少斤両以及膽量是很難做到。