瀏覽人次 : 19694    回應 : 64
樓市乾坤
林鄭勢推高樓價五成
 
何熊輝
2019年3月9日

  樓價自初七“人日”後,連續四星期回彈,回彈速度之快,已超出大部份市場預測,歸根結底,都是政府的施政報告露了底,原先並沒有任何數據顯示,新的一年財政年度,私樓供應會急跌四成,減少一萬個之多,要補回這些供應,下年度要有3.5萬個供應,這真是一個不可能的任務,如此逐年累積,林鄭任內,絕對有能力將樓價推升五成以上。

  去年第四季樓價續跌,貿易戰可能是主因,加上明日大嶼計劃,亦令市場對未來供應增多有所顧慮。因此樓價借勢下調,直至最近,貿易戰消息漸被消化,加上發展局局長黄偉綸對突減的供應,只能表示慨嘆無奈,完全無提出解決方案,市民看在眼内,唯有急入市自保。

  自今年起,每年供應缺少1萬個計,十年後就是10萬個,因此就算明日大嶼10年後開始批出土地,但又怎能於三幾年内,填補回這龐大缺失的單位數目。在這十多年的失衡供應期間,租金升幅甚至高於樓價,因愈來愈多人,被迫租樓住。

  基於恐怖數字一出,二手樓價量齊升,原先由一手樓帶動二手樓的狀况,突然逆轉,二手價急升破頂又出現,發展商有見及此,又即時加快賣樓步伐。按現時市况觀察,年中後,樓價有機觸及去年七月高位。到時樓價或會先稍作消化橫行一段時間。當樓價升至該位,就算暫不再上升,但也難再作明顯回調。

留言
我要回應
我的稱呼
回應 / 意見
驗証文字
 
回應者名稱 密碼
1. 天真爛漫 2019-03-09 14:05:06
誰說林鄭要壓抑樓價的?777比689, 多出來的票全來自地產商。

林鄭推空置稅的目的就是打殘動工量撐樓價,而本港居然有天真嬌話空置稅會壓抑樓價。

唉,對香港政治及地產一冇所知就講少句啦唔該!誤導天真市民。
2. 天眞爤漫 2019-03-09 14:17:03
林鄭的明日大愚,及阿爺力推的大灣區發展大計,均建基於一個強力,穩步上升的香港樓巿。香港樓市唔掂一切都是浮雲。

只有白痴才相信林鄭希望樓市大崩潰。保持香港樓價每年升一成,才是林鄭内心的目标,只有不敢說出,以免傷害淡淡弱小心靈。
3. 自醉粉絲 2019-03-09 15:01:04
林鄭大力整治下,下年供應必大增,每全4萬個供應該無問題,所以年底前必跌一成,所以不能現在買樓。
4. 淡友粉絲 2019-03-09 15:37:54
冇樓嘅人教人點樣去入市,信者得救,得閒吹下鬧下閃下,再蒲頭衰咗又閃,歲月輕鬆逝去。

望下部手機唔覺又用咗三年,過年清床底赫然見到18年前買的第一代防水手機個盒連配件,回想起玩這機的點滴好像是不久前的事,時間過得真快。
5. 林太 2019-03-09 16:46:02
專家說好的下跌七成呢?
7. 問林太 2019-03-09 19:23:45
那位專家話樓價會跌七成?
老施都系話年底跌一成。
9. 輝粉 2019-03-09 22:34:56
Oh my God,快啲幫襯輝哥。
10. 汪粉 2019-03-10 08:42:55
同時汪樓神所講,樓市假跌已經被證實,一個更大的量化貨幣湖已經湧現。

深信cash is king, 租樓日日賺,樓市有泡,貨幣冇泡的老友們,祝福你地。
11. 告鲁士 2019-03-10 09:00:45
較前樓價下跌,我不敢出手買樓,近日終於決定上車,豈料近日睇樓,發現放盤減少了很多,尺價又升了一成,個市調整完嗎?
12. 回11樓 2019-03-10 09:19:28
作為自醉及一刀的粉絲,堅信現在一定不可買樓,下年買樓一定比今年買快樂,所以租樓吧,要買就只可買大灣區樓。
13. 黃先生 2019-03-10 11:01:49
小心特朗普又反面,貿易戰現在要求中國不能報復机制是不平等條约,中國會同意嗎?輝哥果然是地產佬,盲目唱好是本能反應,美國缩表其實沒有停,皖現在最新數據已穿4萬億,供應在增加中,最重要最新大陸經濟數據很差,進出口及GDP在减少中,香港的資金静靜地流出,所有因素正在惡化中,並不是輝哥只靠市場锼變好的氣氛盲向好。
14. 回13樓 2019-03-10 14:32:41
同意黃先生之分析短期回升是假象,一切在靜雞雞惡化中,一旦贸戰不能達成協議,香港樓市就開始大跌,所以現在趁反彈去沽,就是大智慧。
15. 二打六 2019-03-10 15:15:33
點解有D淡淡畀人睇唔起?

唔係因為佢窮或對樓市取態,而係佢唱淡背後目的。

淡友都會有人格的,呢種例外。
16. Chsso 2019-03-10 15:23:23
只是説有什麼不是,請問有什麼建議呢?!
17. 向引刀‧土著‧自醉‧浪子‧阿井 說不 2019-03-10 15:28:07
13樓黃生及14樓留言表示,中美貿易談判破裂的後果是,中國國運從此哀鴻遍野,永不超生,衰亡可期 唉!太好笑了,我們有請地產資訊網知名評論首席代表大傻嗨引刀一快,自醉,浪子,土著,食屎磚家等人,就此命題作出最詳細精密的分釋, 還要買大灣區磚頭轉做大灣傻燦麼 ???




18. 呃盤無罪,開單有理 2019-03-10 16:16:48
簡單地說,我話之你樓升樓跌,反而我冇錢買,最緊要有買賣做我先有收入。

之前市回我叫人快D趁樓價未跌到最低跳車,現在市向上我又話係假升叫人趁反彈去沽,總之市升市跌我都努力呃人放盤,唔係舖面要重複貼盆同貼大海報遮蔽空窗,你話幾肉酸呢?

總之聽我老點就係大智慧,唔明?聽過物極必反未?大智慧去到尾咪即係蠢囉!
19. 黑鳥 2019-03-10 16:24:49
美國縮表,中國經濟差又如何?經濟差就吾使住,吾使交租?D 钱溜走,系呀,去左樓市嘛。
20. 租樓日日賺 2019-03-10 17:39:08
對於仲未入市嘅一班來講,仲未有資產揸手大多數應該係窮二代,古云貧賤夫妻百事哀。

窮唔係罪,靜觀其變或者都可以扭轉乾坤都未定,正所謂有賭未為輸,租住等跌有乜所謂。
21. 無塵 2019-03-10 18:31:27
租金管制一招已經夠,保家安國。
23. 向引刀‧土著‧自醉‧浪子‧阿井 說不 2019-03-10 23:24:47
2/2


住宅樓市僅調整約五個月,累積購買力已急不及待搶入市,帶動樓價上揚。東網追蹤20個大型二手屋苑單位,佔70%估價連升兩個月或以上,當中新界兩大指標上車盤天水圍嘉湖山莊及沙田第一城,更率先較低位反彈超過10%。

嘉湖山莊的市場敏感度向來較高,樓價一般「快上、快落」。屋苑樂湖居6座高層戶,實用面積548方呎,去年12月估價曾低見492萬元,但今年即搶先反彈。據滙豐銀行本月8日網上資料,現為557萬元,更累升三個月共13.2%,呎價10,164元。

中原伍耀祖稱,該盤入場費約500萬元,較上月高約20萬元,由於不少盤源被消化,令三月至今僅錄10宗買賣,平均實用呎價維持1萬元以上。該行文家輝表示,物業景湖居6座中層F室兩房戶,實用面積442方呎,享米埔景,剛以510萬元沽出,呎價11,538元,買家原預算500萬元可上車,但因經歷數次遭業主反價封盤,故睇樓後即時還價落訂。

另一業主林太表示,自從2016年已經大聲疾呼:叫D磚家食屎,到今天2019年依然啱聽,D咁嘅磚家仲有咩嘢面目出嚟行呢?

相關圖片

希望的報章記者訪問D食屎磚家時最後一條問題是問,點解這次樓市沒有下跌3成,甚至乎不足1成嘅?睇下D食屎磚家又點銀樣答。

另一熱門上車區域沙田,多個屋苑漲幅亦不俗。沙田第一城16座高層兩房戶,實用面積327方呎,現時估價596萬元,連升兩個月,較低位529萬元,高出12.7%。美聯鄭志燿表示,該盤兩房戶上月平均成交價約480萬至500萬元,目前則升至520萬至550萬元。而本月成交續旺,暫錄約14宗買賣。至於沙田中心佳寧大廈低層戶,實用面積301方呎,估價由一月時481萬元,累升至520萬元,漲幅約8.1%。

近期將軍澳買賣急增,平盤被吸納後,買家只好高追其他盤源,刺激樓價向上。蔚藍灣畔5座中層戶,實用面積507方呎,目前估價769萬元,較低位709萬元高出8.5%,呎價15,168元。該屋苑三月已錄約4宗買賣,月初1座高層C室兩房單位,實用面積484方呎,以790萬元售出,呎價16,322元,相比二月下旬同類做價約750萬元,高出40萬元。現時入場叫價由約800萬元起。

而銀行對特色戶更具信心,牛頭角得寶花園一個連天台戶,實用面積282方呎,估價兩個月累升4.8%至547萬元,呎價達19,397元。今年一月曾有同類單位易手,當時成交價490萬元,呎價17,092元。

至於近期估價表現較遜色屋苑,多集中於市區。鰂魚涌康怡花園E座中層戶及南豐新邨2座高層戶,上月分別跌至761萬與856萬元低位,三月份雖略為回升,但僅漲約0.5%,現為765萬與860萬元。代理稱,南豐新邨二月至少錄8宗買賣,佔近一半是實用面積391方呎單位,做價由638萬元起,與高位仍有一段距離,而本月則只錄得一宗作價950萬元的三房戶買賣。目前放盤開價約700萬元起。

中文大學劉佐德全球經濟及金融研究所常務所長莊太量認為,樓市調整期已完結,交投量更「撻番着」,出現顯著增長。他相信,未來一、兩個月仍可保持旺勢,估計樓價在今年內有機會重上去年高峰。
------




24. 大時代又来 2019-03-11 08:31:58
樓市升溫,新盤銷售再度報捷,恒地今年頭炮住宅新盤紅磡啟岸,過去周六(9日)首輪開賣246伙即日被掃清,為2個月內第二個新盤首日賣樓再創即日「一炮沽清」佳績,更帶動過去周末新盤交投激增至336宗,按周彈升約2.1倍,屬今年1月第三個周末錄得646宗後近七周最旺。
25. 兇宅都搶 2019-03-11 08:48:40
樓上,早前專家午餐之際透露來緊會有大量銀主盤,不過現實係拍賣場連兇宅都走埋。

說好了的銀主盆呢?又走數。
27. 幻覺嚟啫,嚇我唔到嘅 2019-03-11 09:56:34
小陽春仍未確認,發展商未清倉賣到一間冇剩。


28. 城市指數200點 2019-03-11 12:35:32
27樓兄
同意你的高見,等城市指數升到200點,就可確認樓市小陽春。
所以現在不可買樓,否則中伏。
29. 幻覺嚟啫,嚇我唔到嘅 2019-03-11 13:08:52
28樓兄,CCL上到200點係大陽春唔叫小陽春,所以我都唔認輸,哈哈哈。
30. 樓價要跌三年 2019-03-11 14:14:46
施永青認為,股市已下跌兩至三成才企穩,所以他相信樓價要有同樣跌幅才能找到支持位。而中美貿易戰是一場持久戰,中國亦可能要花三至五年時間調節,令樓價有壓力,跌兩成半至三成並不出奇。中原城市領先指數CCL,有機會回落140點至150點,但會是慢慢跌。
31. 過客 2019-03-11 15:20:21

樓市轉旺,貨尾盤加價重推亦吸引大批準買家搶購。長實集團(01113)旗下荃灣海之戀,其中4伙上周落實終止買賣合約,隨即加價11.718.9%,並安排周一(11)重售。現場代理估計,共有約逾100組客蜂擁到場認購,場面熱鬧,全數單位已火速沽清。

該批單位中,加價幅度最多為第711C室,實用面積391方呎,201710月價單售價為822.5萬港元,上周加價至978萬元。而加幅最少為第736D室,面積513方呎,20179月價單售價1,112.3
萬元,最新加至1,242.8萬元。

産佬真係好嘢,2厘回報(未扣差餉管理費),揾到咁多人

32. 樓價升八成 2019-03-11 16:59:07
當年特首梁振英,以重中之重来處理樓市,结果任内升了六成。
今日林鄭下重手救市,任内升八成應無難度。
33. 回過客兄 2019-03-11 19:49:36
現在收1至2厘息冇問題。計下3至4年後又升4至5成,就算零息都冇問题。
34. 新盤半月加價一成 2019-03-12 08:20:20
新盤大賣,刺激發展商推盤態度轉趨進取,恒地發展的紅磡啟岸昨日加推新一批92伙,折實平均呎價首越2.2萬元,按批加幅約4.3%,相對上月底首批更短短14天大幅提價逾一成,當中最貴兩伙折實售價衝破「九球」,屬歷批單位中首見。
35. Seba 2019-03-12 08:36:38
看不出樓市只跌兩成已見底回升的理由。隨口嗡分析係人都識.
人為反彈不須理會,堅持現價沽貨。兩年後才入市。
36. 二打六 2019-03-12 09:39:35
每當見到D屎滾滾淡淡潛水,再睇埋D自打咀巴蒼白無力的(反擊)言論,就知到升市又來,擋都擋唔住。
37. DVDR 2019-03-12 23:30:53
現在是不是小陽春?
其實個市早就直去大陽春
小陽春早就完了。
38. 大行話跌一成 2019-03-13 08:43:27
去年樓價由高位回落近10%,不過踏入1月份後,似乎有「小陽春」出現。星展(香港)香港房地產業分析師丘卓文卻指出,「依家(市況)感覺只係好番啲」,今年樓價或會再跌10%。
39. 星展係大行 2019-03-13 09:32:22
哈哈哈...
40. 二打六 2019-03-13 10:18:44
乜春都唔使講,見D評論員轉軚響晒胎玩飄移,今天的我打倒昨天的我,好肉酸。
41. 30樓信施永青? 2019-03-13 10:46:03
施永青


今年的小陽春近乎瘋狂
3 小時前
#HashtagsC觀點施永青樓市小陽春地產樓價辣招中美貿易新盤二手樓購買力 
通常,農曆年假之後,香港樓宇會有一段交投相對活躍的時段,坊間稱之為小陽春。這個時段交投之所以會較多是因為農曆年間,大家忙於過年,暫時放下置業的大計,因此積累了一定的購買力。至農曆年後,這些積累起來的購買力就會一次過釋放出來,令交投顯得特別興旺。


這種興旺,動力並非源自市道轉好,而是因為之前出現過一段交投相對淡靜的時間,需在農曆年後作點追補,市道才會正常化。所以小陽春通常不會很長,只能維持數星期至兩個月的時間。叫它做小陽春的原因,就是因為它持續的時間短,不代表春天真的已經到來,小陽春結束後,樓市可能又會進入寒冬。


不過,今年的情況很特殊,市道轉旺得很急促,簡直可以稱之為瘋狂。公眾假期剛結束,買家就不知從那裡蜂湧而至。他們眼見之前出現過的低價成交,其實只是曇花一現,市場上實際上可供選擇的盤口並不多;可謂是賣出一個就少一個,而剩下來的盤口,價錢就會比之前高一級。於是買家都有點後悔,覺得應該在2018年第四季就果斷入市。


他們中有很多人原先都以為,中美冷戰是一股極為龐大的遏抑樓市力量,足以令樓市進入一次較長的調整期,樓市可能會拾級而下,他們可以不用心急,遲些一定會有平貨執。然而,真實的情況並非如此。本港樓市只是在去年十月與十一月期間,出現過一段交投極之淡靜的時間,但願意在這段時間割愛的業主並不多。所以平盤很快被吸納。未到聖誕節,樓價已經觸底反彈。這次好淡較量,很明顯又是賣方勝出。


由於中美談判開始看到起色,加上股市亦見底回升,所以樓市的氣氛亦隨即好轉,大家都覺得調整已經完成,今後應可重拾升軌,所以又再選擇盡快入市。


今次樓價調整的幅度,平均只有10%左右,比股市調整超過兩成的幅度少很多。而且是向下調的時候步伐很慢,交投很少;而向上反彈的時候卻升得很急,交投很多。在在顯示樓市的基礎非常鞏固,連中美關係出現根本性的改變,亦沒法動搖人們對持有物業的偏好。


據前綫同事反映,近期買家爭相入市的情況已接近瘋狂,只要業主肯簽約賣,連續反了幾口價,買家都忍住條氣照追。有一個一手新盤,同一個單位同時被近十個買家看中,發展商不知賣給誰好,問競購者喜歡玩抽籤還是猜包剪揼。結果多數人選擇猜包剪揼。賣樓賣到要猜包剪揼,相信一手住宅物業銷售監管局也沒有意想過,將來不知是否也會立例監管?這樣的事情真是世界少有。


有人可能會覺得奇怪,不是說香港樓價已升至全球最高,並與港人購買力脫節嗎?為何還有這麼多人買?原因其實很簡單,只因香港每年私樓的供應量不及全港家庭數量的1%。所以樓價並不需要所有香港人都買得起,只需全港家庭中有1%的高收入家庭有意在當年買樓,就足以把當年的供應消化掉,政府要扭轉這種局面,只能靠增加供應,加辣招的結果,只會弄巧反拙,搞到二手市場也乏人放盤
42. 30樓 2019-03-13 11:16:05
施永青話年底跌'10%,二至三年跌2至3成。
衣家推翻早前說法,又話個市瘋狂,點算好?
我仲等緊入市呀,,,,,現在入吾入!
43. 點算好? 2019-03-13 12:53:34
樓演講嘅野都好信嘅?
44. 回30樓 2019-03-13 20:19:23
大陽春第一波來了。
衣家仲吾買,三至四年後又升五成,到時尼世都吾使買。
45. 輝粉 2019-03-13 22:50:10
輝哥睇穿林鄭冇料到,林鄭勢推高樓價五成。快啲幫襯輝哥。
46. 30樓信施永青? 2019-03-14 08:53:32
點解樓唔係個個人都有機會擁有?

除了是資金和收入能力外,還有的是心態。

船頭驚賊,船尾驚鬼。連一生重要投資項目都唔信自己,反而受别有用心,為自己利益唱好唱淡言論影響而下錯决定,自己都要承擔一半責任吧。
47. 多謝46樓提醒 2019-03-14 09:31:35
今日起立即去揾盤入市,務求3月底前入市,尼世都吾再信尼的假樓神。
48. 自醉粉絲 2019-03-14 09:40:08
貿戰不會拖垮樓市我十分認同,因為冇貿易戰樓價都會跌. 
49. 引刀一快 2019-03-14 14:28:00
To 46樓

反而受别有用心,為自己利益唱好唱淡言論影響而下錯决定,自己都要承擔一半責任吧。

呢段我欣賞,你講嘢冇側埋一邊,不過要負嘅唔係一半,而係全部責任,料係人地俾,決定自己做。賺咗錢唔會分俾人,點解蝕錢要人負責?
50. 人生如夢 2019-03-14 15:39:58
過新年前入一手樓,當時氣氛差,現場冷清,好采抽到,入到間高層,現在該區加價加到飛起。
51. 向引刀‧土著‧自醉‧浪子‧阿井 說不 2019-03-14 16:06:37

大灣傻嗨引刀一快講得合情合理,正是租樓日日賺的硬道理。


52. 懵如人生 2019-03-14 16:59:23
你入左去住未?
53. 引刀一快 2019-03-14 21:41:28
說不女,pp又痕呀?😱
54. 人生如夢 2019-03-14 22:36:50
回52
聞名如見面,話明ㄧ手,未收點住
55. 人生如夢 2019-03-14 22:36:51
回52
聞名如見面,話明ㄧ手,未收點住
56. VII到核爆 2019-03-15 08:51:48
樓上,呢D係儍淡本色,冇嘢講揾嘢噏。

BTW,恭喜你買了樓做業主。
57. 52樓兄 2019-03-15 09:11:13
52樓是傻惨淡,正牌窮鬼,人地入左便貨就吾抵得。
自己租樓日日赚。
58. 恭喜你買了樓做業主 2019-03-15 10:40:57
那麼收了錢的發展商不是做了財主, 而是被你搵了笨實了?
59. 果真VII到核爆 2019-03-15 12:08:55
儍淡唔好畀人賺錢,最適宜山邊霸笪地自己搭間木屋住,不過買木板買釘都要幫襯木行畀人賺,儍淡條氣唔順一於自己種樹來造木材,採鐵礦鍊鐵釘同鎚仔,千祈咪畀人賺錢。
60. 自我陶醉 2019-03-15 17:15:20
53樓 引刀兄,

我估屯門個食K C9, 話唔定係說不仔個老婆,否則佢唔會成日念念不忘,每隔幾個月就搬佢大人出嚟做下宣傳。 哈哈哈!

當香港間間大公司都話要增加大灣區投資之際,連英資大行太古都決定加入戰團,幾條白痴仔水浸眼眉都未知死,日日話低端人口要番大灣區,真真無知! 講少啲廢話,有時間去橫琴、深圳行個圈,增長下見識先喇,唔該!

連好好地打場golf都就快冇場,啲高端人口會去邊? 我估呢班低端人口未來只能繼續留港為各大地霸服務,希望搵到更多傻仔買嗰啲一百幾十呎劏屋,可憐!

61. 自我陶賊 2019-03-15 18:46:17
我估呢班低端人口未來只能繼續留港為各大地霸服務,而我只能留港繼續交租為呢班低端人口服務。陰公
62. 引刀一快 2019-03-15 19:16:42
自我陶醉兄

呢D就係AA通病,又要唱好,又要張單開得到。
既然佢地話“樓市一片光明”,點解同是大灣區其他地方都係低端人口?
說不邊度有資格喺屯門買樓吖,如果佢真係有樓喺屯門,恐怕深水埗長沙灣都會俾佢話低端人口。
依家個個都睇住大灣區,佢地唔kull嗡得幾耐㗎嘞。
63. 說不fans 2019-03-15 21:06:18
廢淡升市下冇野好吹,只能作人身攻擊來轉移視線。

呢頭叫說不係女,果頭又話佢有老婆。

儍淡即係儍淡,思覺失調。
64. 引刀一快 2019-03-15 23:07:10
說不係男係女,冇人知喎,估計佢自己都唔清楚,嗌佢說不女佢應,嗌佢說不仔,佢又應。
日日對幾條麻甩佬說不,唔係女人都唔使恨喇,哈哈哈哈
人身攻擊?哈哈哈哈,笑死我。
65. 輝粉 2019-03-15 23:23:09
眼光光,飲啖豬肉湯,快啲幫襯輝哥。
66. 二打六 2019-03-16 00:18:59
9. 引刀一快 2019-03-11 10:08
哇,說不女,乜妳又“紅潮”呀?
唔玩得就咪玩,寫紅字信咁唔好老脾呀,哈哈哈 

引刀一快 2019-03-14 21:41:28
說不女,pp又痕呀?😱

唔係人身攻擊唔通係性騷擾?公公人格的確夠低賤,講樓市唔夠人講就出埋D紅潮呀,PP痕呀呢D字眼,讀者有眼見的,打幾多個哈哈都遮掩唔到你嘅醜行。
67. 二打六 2019-03-16 09:25:51
果然出唔到,admin對陀地淡棍真係愛護有加。
68. 自我陶醉 2019-03-16 09:48:38
62樓 引刀兄

理由好簡單,叫佢買大灣區,佢冇本事買,叫佢去大灣區做,佢又冇本事做,睇住老表一日比一日富貴,自己就天天閉翳,只能自我安慰,此乃酸葡萄也。

呢班友仲賊喊捉賊,同我哋講人身攻擊,再整件笨賊即時跳出嚟承認自己係低端人口,果然係豬一般的隊友,笑爆咀冇得賠,哈哈哈!

昨日睇見南早Yonden Lhatoo 一段片,炮轟政府的士政策向一小撮人的利益傾斜,連Uber呢啲新興行業都面對重重打壓,難以在港突破,實在令人感慨。 稍有遠見嘅生意人,睇見今時今日香港咁嘅營商環境,要人冇人,要地冇地,政府政策被一小撮既得利益者操縱,除咗一齊喪炒,同借錢俾人喪炒之外,根本冇咩好做,將來應該去邊度發展,係真正生意人都識點揀。