清雞湯與豬肉湯投資法 2014月2月12日 |
|
我老友挑撥不成，死心不息，自言自語說，點解佢用清雞湯與豬肉湯作比較，而唔用雞湯與豬肉湯，我聽到他這樣說，立刻回答，這是一條好問題，清雞湯代表富家子，過往有所謂，富戶第三代才識飲識食，煮雞湯容易，煮清雞湯難，首先在煮清雞湯的時候不要蓋上蓋子，否則，雞湯是會很混俗，但這樣還不夠，在雞湯煮好之後，再要加上免治豬肉及牛肉，再煮十五分鐘，待兩種免治肉與雞湯中蛋白質混和，再經過慮，才會變成清雞湯，是不是很麻煩，豬肉湯就比較簡單，除豬肉外，什麼內臟，豬骨，雞骨都會放入湯內，豬肉湯要變成奶白色才可以被稱為及格，而坊間的豬骨湯火窩全部都非常奶白，但有部分食肆會加上牛奶，令人覺得非常濃郁，不過，又冇壞，食唔死人，但是大家要注意的是有傷風，感冒，癌症就唔好飲清雞湯，有痛風就唔好飲豬肉湯，豬肉湯本來冇問題，但恐防煲湯的人加了很多豬內臟，這是痛風症之根源，不飲為佳。
我老友又問，可唔可以用清雞湯與豬肉湯解釋物業投資策略，我心想，佢究竟噏乜，不過，我又嘗試一吓，從上述大家都領略到煲清雞湯是很麻煩，又要浪費很多材料，若果放在物業投資上，即是要輕挑萬撚，要等要忍，才可以買得一件好貨，而煲豬肉湯則比較簡單，好似法國佬煲海龍皇湯一樣，可以用作煲湯的食材都可以加落去，又唔知點解，最後亦會出現一煲靚湯，投資物業亦是一樣，要夠膽，要狠，最後業績才會有增長，不過，胡亂投資，只識入唔識得出，就算將資產壯大，亦只不過是亂草一堆而已，絕對不能和清雞湯投資法相比，一定要作出一些修改才可以變成投資策略。
在我小時候，過時過節，我阿嫲煲豬肉湯的時候，會將一塊五花腩肉用咸水草縛在煲蓋上，待豬肉湯煲好，這塊五花腩肉亦早已被蒸得透徹，你或者不會相信，這是人間美味，放在物業投資上，我的做法就是買入一個優質物業的時候，在未成熟得透徹下絕對不會賣走，這亦是我逢三退一投資概念的來源，宗兄湯君明以豬肉湯稱呼我，其實，他是十分了解我的投資策略，我十分佩服。
