今日大年初二，一般家庭開年，本來我準備去跑步，見到天榮站再度流標，這是一個大題目，於是決定稍遲一會才去跑步，一於開筆兼開年。

　　首先祝各位網友心想事成，萬事勝意，不過我心想，港鐵的高層今年過得一定不開心，如果天榮站項目招標成功，而呎價又超過2000元就另作別論，港鐵揀在農曆年前才公佈這項消息其實別有用心，初一，初二報章休市，市民又出外旅遊，拜年，流標這件事，減少很多人討論，斷估報章在初三復版的時候不會以天榮站流標作為頭條，什至有些不大留意新聞或者離開香港的人都唔道天榮站流標，港鐵側側膊，唔多覺策略又成功，不過，這不是主要話題，點解天榮站又流標。

　　港鐵說價錢唔夠，地產商說冇得做，雙方大纜都扯唔埋，唯有再度流標，但我懷疑根本沒有地產商出價，長實，新地，信置等所入的只不過是一份意見書，我想，天榮站最後的結局就是港鐵自己起樓，而地產商就是要政府機構自己起樓，就算識起都唔識賣，你估賣樓咁容易，其實很慘，與賣身差唔多，現在還要遵守那些不知名法例，入多兩張飛又話拉，又話鎖，睇吓政府又點賣樓，地產商講得好聽就叫靜觀其變，唔好聽就睇政府自己做戲，又話要樓價下跌三成，又想賣得好地價，點做？

　　CY在過年的時候在網誌上又說怎樣和基層過年，又怎樣利用餘廚，睇到全世界各地區領導一塌糊塗，在新年的時候不是應該講些鴻圖大計，怎樣協助基層變中產，中產變小富，現在講到好似打仗咁樣，想當年，第二次世界大戰，英國佬負隅頑抗，死守英倫三島，德國佬用潛艇封鎖海岸線，英國物資短缺，英女王在電台教人怎樣利用餘廚，好似CY講的一樣，等我仲認為打扙，新年流流，就要用餘廚，真是大吉利是。

　　其實天榮站與餘廚亦有些相似，這是港鐵副產品，理應由政府發展，遷多些人入該區，但是政府現在反其道而行，公屋居民有機會入住港九市區公屋，而私人樓宇的買家就要做拓荒者，住到冇雷公咁遠，叫那些俾錢的人點服，那些樓又點會賣得起價，你估港鐵高層唔知道，若果他們成功交個波俾地產商，以後只負責監察，不但一了百了，以後還會站在道德高地指指點點，現在，港鐵的如意算盤打唔響，都唔知點樣收科，所以，我話港鐵的高層怎會可以過一個愉快的新年，而CY又如何，我想毋需大家擔心，他處理好他的餘廚便可以。