瀏覽人次 : 16331    回應 : 18
敢說亮話
茶餐廳亂話(404)新城財經台
 
湯文亮博士
紀惠集團行政總裁
2018年10月11日

  今早去到茶餐廳,老闆見我睇稿,問我是不是有講座,我話不是,而是要去新城財經台講施政報告,昨晚道指大跌超過800點,美資可能要班資回朝,金管局要準備接錢,如果是真的話,香港有機會立刻加息,對樓市有即時殺傷力,加上施政報告的龐大供應量,莫講話我這個淡友,就算大好友都轉軚,老闆話冇乜嘢好擔心,就算跌都是假跌,跌完又會回升,老闆的確是非常樂觀的人,現在大家關心的是今年底,中原指數會不會跌穿年初的水位,假跌論只不過是安慰人心的說話,南唐李後主俾趙匡胤大將曹彬率兵攻打,李後主身邊的術士話這只是假攻論,叫李後主放心,大家可以依舊可以飲酒作樂,最後,李後主整個江山就恰似一江春水向東流。

留言
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱 密碼
1. 十一哥 2018-10-11 09:17:46
呢一浸有D要焗嘔、有多少死鷄執、不過執咗唔知…

2. 十郎 2018-10-11 09:39:15


      睇下新樓收齊定未 , 可能仲有機會 " 跳車 " 。

3. 引刀一快 2018-10-11 09:55:10
道指800點,都係假跌啫。
4. 十一哥 2018-10-11 10:22:51
迷你炒家呢鑊同企鵝仔一樣都係~騰字行頭~鷄。

5. 十郎 2018-10-11 10:36:58


      4條3 , big 爆完 , 都好危呀 , 師兄。

6. 十郎 2018-10-11 10:40:38


      今日d留言睇5切呀 !

7. 向泛民说不 2018-10-11 10:51:04
引刀,美国鬼自掘坟墓,制造假新闻,导致世界股灾。继续做西奴,膜拜啦。
8. 自我陶醉 2018-10-11 11:04:23
3樓 引刀兄,

咁假得又幾真喎! 哈哈哈!
9. 淡友 2018-10-11 11:50:59
又勝一仗
10. 樓市大跌 2018-10-11 11:53:12
係時候減辣
11. 引刀一快 2018-10-11 12:56:16
自我陶醉兄

隨時徇眾要求,假多幾嘢俾大家睇呀!
12. 自我陶醉 2018-10-11 13:13:25
好! 咁就假假地跌住一半先,睇下傻侵仲會唔會話自己的美股叻過A股先。我驚佢到時笑唔出啊!


13. 向泛民说不 2018-10-11 14:51:06
自醉,08年代金融风暴,最后是在美国和中国的合作下,大家进行QE而解决的。今次美国佬玩fake news,结果引发科技股股灾。最近这两日韩国,台湾科技股真系比中兴跌得仲金。supermicro 由27美金跌倒现在12美金。

今次金融风暴,中国和美国很难在合作啦。已经完全没有互信。美国鬼在30年代搞贸易战,结果搞出二战。真系担心美国鬼又搞出第三次世界大战。

中国人追求的是安居乐业。但是美国鬼就是吾比你有安乐茶饭。
14. 經濟繁榮 2018-10-11 17:25:26

用李後主哩個故事來形容當今嘅樓市,有些少唔系太貼切。術士講假攻論令到李後主冇防備,結果兵敗亡國。但假跌論唔會令到有樓嘅人亡家,樓價點樣下跌都系要住的,難道樓價跌就要連自住嘅樓都賣咗佢?假跌論能系安慰人心嘅說話,但如果個個人都睇淡樓市,個個都響哩個時候劈價賣樓,唔好話樓市,就連經濟都會受到牽連。正常人系追求繁榮安定嘅,就算所謂嘅“淡淡”都唔會希望經濟蕭條外圍經濟越系動蕩,就越唔應該自亂陣腳,響哩個時世如果個個都唱淡,個個都劈價,反而真的會大亂了。

15. 自我陶醉 2018-10-12 08:47:26
向飯,國之將亡,必出妖孽,一個國家負債到咁嘅程度,唔死就有鬼,美國佬依家只係發窮惡,只係垂死掙扎,就算冇傻侵都會有其他人,投資最緊要係保持頭腦清醒,唔好人云亦云,唔好陪個市一齊癲。 升得多自然就會有地心吸力,投資市場有週期,公司榮枯有週期,國家盛衰也有週期,我留意嘅係週期同投資情緒,上星期已經提過大家美股會高台跳水,有冇fake news 都一樣。

16. 引刀一快 2018-10-12 16:25:13
自我陶醉兄

我依家知道邊個真係喺度等浪,原來係長河san。
17. 十一哥 2018-10-12 21:26:03
刀刀    撲水就肯定係強項、浪就未必知係乜、所以成日浪呀浪發開口夢咁。

18. 引刀一快 2018-10-13 00:49:34
浪呀浪。
浪呀浪。