瀏覽人次 : 15667    回應 : 7
敢說亮話
茶餐廳之世界杯亂話(26)迪甘斯的塊肉餘生記
 
湯文亮博士
紀惠集團行政總裁
2018年7月10日

  有老友問我,點解可以咁犀利,在世界杯開始前已經可以貼中法國攞冠軍,現在雖然未攞, 估計今晚可以擊敗比利時,下一場對英格蘭或者克羅地亞都勝算甚高,我話估到法國奪得今屆世界杯絕對不出奇,如果有人預測到四大熱門德國,巴西,阿根廷,西班牙連4強也不入,他才是足球專家,法國隊最初奪標的賠率只得7倍,與他們球員的質素不吻合,大家擔心的不是球員的質素,而是教練的質素,迪甘斯教了法國多年,雖然毫無建樹,但仍然可以執掌法國隊,背後的原因當然是法國奪得唯一的一次世界杯,迪甘斯擔任隊長一職,即使如此,今年再唔攞世界杯,迪甘斯都冇得留低,話時話,如果法國隊由雲加做領隊,我估計賠率5倍都未必有。

  今屆世界杯最水皮的兩位教練,我認為是迪甘斯以及修夫基,但兩位分別帶領法國以及英格蘭打入4強,隨時有機會在決賽相遇,當中修夫基臨危授命,了無牽掛,入到4強已經是超額完成,但迪甘斯帶領法國隊多年,只有一個希望,就是奪得世界杯,今屆法國隊人強馬壯,有機會完成迪甘斯宏願,友人問我點解標題叫迪甘斯的塊肉餘生記,我都唔知道,我行過書局,見到Charles Dickens 作品 David Copperfield 中文唔知點解唔叫做大衛高柏飛,而叫做塊肉餘生記,內容令迪甘斯很有感觸。

留言
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱 密碼
1. 自我陶醉 2018-07-10 13:12:19
之前估法國對巴西,西班牙鬥英格蘭,現在死淨兩隊。果然,波係圓的,仲難玩過股票。哈哈哈!
3. 向引刀‧土著‧自醉‧浪子‧阿井 說不 2018-07-10 13:28:45
有樓揸手變成最唔使用腦嘅脫貧方法,你 引刀‧土著‧自醉‧浪子‧陸永 又玩得起嗎!


4. 自我陶醉 2018-07-10 18:44:32
最憎就係唔洗用腦嘅工作同遊戲,做人同做條鹹魚點都要有啲分別嘅。 買樓就等於可以脫貧? 睇你咩價買喇,最怕越窮越見鬼喎。哈哈哈!
5. 浪子心聲 2018-07-10 22:57:27
回三樓,

我當然玩得起,股市的回報可以比樓市高,只不過你無能力把握時機,今次股市調整機會又來了,你可繼續買樓,各有所好。
6. 定理 2018-07-10 23:07:07
樓淡(無樓)= 股神。=)
7. 浪子心聲 2018-07-10 23:33:46
另一定理:股淡 = 樓神。 =)

搵到錢就得喇,「樓神」定「股神」都是各有所好啫 !

香港樓價是all-time high,無理由宜家買樓,而現時好多股票都回調不少,有多餘錢又想投資,保守可以買「匯豐」,有膽色可以買「中興」,長線投資應不會輸錢,而回報都非常可觀。

年輕人就等下先啦,上車就等買「居屋」或「首置樓」,唔好太心急,唔信林鄭都要信中央,中央非常重視香港年輕人的感受㗎。


8. 引刀一快 2018-07-11 08:28:09
狄更斯白髮蒼蒼,唔講都唔記得原來98果屆有佢踢,施丹冇頭髮,反而唔顯老。

樓都係一樣,98年買咗樓嘅人,2002-03仲慘過冇樓果D。