瀏覽人次 : 14724    回應 : 10
敢說亮話
茶餐廳亂話(352)你懂的
 
湯文亮博士
紀惠集團行政總裁
2018年6月12日

  今日去到茶餐廳,有一位自認民建聯人兄坐埋嚟講政府不應該開徵新樓空置稅,他並且引用自由黨蔡志忠以及經民聯盧偉國的言論來支持他的論點,蔡志忠話地產商可以將新樓空置稅轉嫁給買家,而盧偉國則話政府只不過是博掌聲,講完之後仲話你懂的,老實說,我不懂,你懂的是沒有文化的加拿大人常用句語,you know 前 you know 後,根本沒有表達能力,如果對方明白,又點解要講you know ,所以,我話我不懂。

  我反問,如果要反對,點解不是引用民建聯主席李慧琼的說話,而要引用其他黨派人士的說話,由此可見,基本上民建聯是支持開徵新樓空置稅,那人當然語塞,不過他仍然話主席是不方便反對,你懂的,又 you know ,老實說,我真的不懂。

留言
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱 密碼
1. 十郎 2018-06-12 12:48:36


      I know !

      You know , I know。

2. 十郎 2018-06-12 12:53:10


      既然唔 work , 反泥做乜呢 ?

      等政府出下醜啦。


3. 引刀一快 2018-06-12 12:56:48
你懂的,依家五千年文化古國都好興,意思係隱含背後訊息龐大,請腦補。

我唔夠腦,淨係諗到綁架唧。
4. 真真薯片 2018-06-12 13:45:35
值得補充下,乜野係轉嫁成本比買家

新樓訂價基本上係去到盡,無論地價係3000,5000,8000定12000,15000蚊呎,新盤賣果下能夠賣30000,就賣30000,可見定價同成本無關,表面上空置稅係轉嫁唔到比買家

但係冇另一樣野要留意,由於地霸壟斷供應,地霸可以通過罷賣積聚購買力,拉高去貨價,例如有個屋苑有1000個單位,你想1個月內賣晒,只能賣萬四蚊呎,如果你一個月只打算賣300個單位,你可以賣萬8蚊呎

即係通過減低成交量,地霸係可以調節成交價

所以如果空置稅係每年1%,地霸係可以再加大力度囤貨罷賣,拖得更長後賣,從而再推高成交價去cover返空置稅帶黎既額外成本,總之佢一蚊都唔可以賺少

當然,罷賣浪高價係有極限,首先地霸唔可以成個盤罷賣,佢點都要賣返4-6成單位,收返買地建築同利息成本,剩底先可以罷賣,假如要囤4成貨,打算拖長5年黎遂粒賣,如果每年比正苦收1%空置稅,所產生既成本就係成個項目既四成樓價既5%,即係成個項目既2%,假如果四成單位由拖5年賣變成拖7年賣,而果四成單位可以因為供應短缺賣貴多過5%,地霸就成功將空置稅轉嫁買家了,以上只係超級簡單化左條數,但係解釋到地霸可以點樣將空置稅轉嫁買家,而重點係,假如空置稅稅率高過囤貨囤出黎既樓價升幅,地霸就會收皮,被迫賣樓
5. Bos fan 2018-06-12 16:52:49
同意薯片兄嘅簡單經濟學行為
6. 引刀一快 2018-06-12 23:31:58
真真薯片兄

你未計囤積造成往後每次賣果4-6成盤嘅升幅。


7. 引刀一快 2018-06-12 23:34:50
假如以樓價無限論去睇,真係越賣越高架,不過,一出現風暴,一定掟唔切。
8. 風暴的後果 2018-06-13 00:03:04
一旦出現金融風暴,全球各地最現代的解決方法就是開動印鈔機器。所以一旦出現風暴,樓價只好上升。無奈!
9. 引刀一快 2018-06-13 12:24:21
又係樓價無限論,不過呢鋪可能唔得喇,印都印唔切。
10. 冷眼旁觀 2018-06-13 13:00:20

為什麼新樓空置稅一定 1% (每年) ?

加強阻嚇力, 可以採用累進罰則, 即首年1%, 次年1% X2 =2%, 第三年1% X 3= 3%........如此類推

又或者, 首年1%, 次年1% X2 =2%, 第3年 2% X2 = 4%, 第4年4% X 2= 8%......... 如此類推

這樣樓價升了, 發展商也不敢囤積......... , 他們必須盡快賣出, 否則得不償失