瀏覽人次 : 2005    回應 : 6
敢說亮話
茶餐廳亂話(519)點解美國不拘捕任正非
 
湯文亮博士
紀惠集團行政總裁
2019年5月24日

  今早去到茶餐廳,老闆問點解我幾日冇去,是否出了門,我話前日替UBS做了一個90分鐘講座,之前要做很多準備功夫,又要預備很多有機會被人問的答案,例如在中美貿易戰之下,現在可不可以買樓,諸如此類,做完之後晚上還要赴太古的約會,與幾位名KOL晚飯,個人好似虛脫一樣,休息了兩晚,今日精神狀態回復八九成,食完個早餐就十足十,老闆聽完當然開心。

  水吧安哥話最近族群講80年代美國為了壓制日本東芝,竟然叫日本警方以莫須有罪名拘捕東芝CEO,點解今日唔拘捕華為任正非,我話安哥安哥,其實可以直接由美軍拘捕東芝CEO,叫日本警方做,已經是格外開恩,今日當然唔可以拘捕華為任正非,理由並不是日本是戰敗國,而是美國在日本有駐軍,沖繩島,橫須賀等基地,在中國包括台灣在內都沒有美國駐軍,而大家都知道,在自己國土有其他國家駐軍,其實比名正言順是殖民地好一點,再睇德國,慕尼黑根本是美國殖民地,其實,一個主權獨立國家,一定不能夠有其他國家駐軍,在香港,業主都不能夠隨便進入已租出的物業,要得到租客同意,更何況是一個國家,所以,日本德國其實是很可憐。

留言
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱 密碼
1. 引刀一快 2019-05-24 16:04:57
日本同德國尊嚴上可憐,實質上得益,科研費用不減但軍費開銷減,造就今日世界最強技術儲備前列,今日中國嘅尊嚴,淨係有錢人尊享。
2. 十一哥 2019-05-24 16:41:50
刀刀 有着數就契弟唔怕做…一以貫之…值比欽敬。

3. Hongkong People 2019-05-24 16:46:54
刀只,你住大灣區無理由咁講架?我D親戚住內陸都唔覺得無尊嚴,不知幾有底氣,而家普遍全世界人,見倒祖國同胞爆買爆就真係有D洩氣。而家都唔淨係高官企業家先有錢,農民好多因為發展收地,好多都好有錢。
4. 引刀一快 2019-05-24 21:29:05
Hong Kong people女士

1,你覺得我喺大陸好窮?

2,我肯定你大陸啲親戚唔係窮人。

3,妳有冇喺大陸長駐過?有冇各個階層嘅大陸朋友?

以妳嘅邏輯能力,唔會睇唔明。
5. 引刀一快 2019-05-24 21:46:05
琳琳,做你契哥就夠喇。
6. Hongkong People 2019-05-24 21:56:49
刀兄,

你誤會啦!我意思係你住大灣區應該感受到你周圍嘅人普遍都有自信有目標,窮人幾時都差少少,但窮人嘅數目都快速減少中.但呢個世界唔淨係中國窮人尊嚴低D,全世界都一樣. 我係深圳住過半年,父母係深圳退休,樂不思蜀,唔肯返港住; 內陸有唔少親戚,普通過普通人,係相對窮嘅省份,當然佢哋對香港嘅我哋都係有D景仰,但絶對感覺唔倒是佢哋冇尊嚴,佢哋只係自自在在過佢咃嘅生活.

咁我係大陸又真係唔多朋友,只係都不時去下旅行,會同當地人傾下偈,老實講就算去到新彊絲路D相對落後嘅地方嘅人同司機大哥,你都可以感受佢哋嘅自信,從來無係客戶面前矯化自己.  所以我感受嘅內地情況同你有D唔同.