瀏覽人次 : 20432    回應 : 4
文亮語
關注新樓銷售乃治本之法
 
湯文亮博士
紀惠集團行政總裁
2018年3月12日

  樓價連升二十二個月,政府亦感覺到無能為力,又唔敢出招,因為辣招不但對壓抑樓價於事巷無補,反而會加重市民負擔,部分辣招稅更加會轉化為樓價,出招反而會令樓價繼續上升,現在政府不但唔敢出招,連叫市民小心都唔敢,因為今日叫市民小心,明日樓價又再上升,一定會俾市民怪責,簡直是自討苦吃。

  香港政府能夠控制樓市的措施雖然不多,但仍然可以分為霸道與及王道,霸道當然是辣招以及逆週期措施,而事實上已經出無可出,王道當然是增加供應,政府雖然後知後覺,但最近一兩年,總算發力提速,不過,土地供應雖然增加,但樓宇供應未見同步到位,樓價在供應不足之下仍然上升,原來政府雖然用王道來調控樓市,但地產商則反其道而行,就算新樓落成都不推出市場,導致供應不足,樓價仍然上升,但責任就歸咎於政府,陳茂波終於話關注新樓銷售,我覺得這是治本之道,如果任由新樓在建成後不推出市場,不但樓價會因為供應不足而上升,地產商亦會因為貨尾不斷增加而做成壓力,當利息上升,經濟環境轉壞,地產商一窩蜂將貨尾推出市場,有機會做成樓價急跌,現在買樓的人就會遭到嚴重損失,不過,他們不會怪責地產商,反而會怪責政府不及早調控樓市,任由他產商囤貨不賣,所以,及早關注新樓銷售乃治本之法。

  陳茂波稍為講及關注新樓銷售,已經有評論員表示政府不應該干預地產商售樓,如果強行要地產商出售新樓,會做成樓價急跌,不但持有物業的人受到損失,一般市民更加難買樓,我不明白箇中道理,關注新樓銷售方法又怎可能會令到樓價急跌,倘若樓價急跌,應該比較容易買到樓,不准政府關注新樓銷售,唔通任由地產商囤積居奇,在供應不足下樓價繼續上升才是正常,而事實上現在樓宇承接力不足,要地產商提供高成數按揭才勉強可以維持到基本的售樓數目,但在承接力不足之下樓價仍然上升,這是非常危險,如果現在買樓的人不了解實況,不斷追價買樓,當樓市形勢逆轉,他們就會損失慘重,陳茂波關注新樓銷售亦只不過為那些人著想。

留言
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱 密碼
1. 真真薯片 2018-03-12 11:28:16
在下講地霸囤貨講左超過一年, 似乎終於得到博士認同

不過正苦可以點樣關注囤貨呢?香港係自由港, 地霸比錢買地起好樓唔賣, 你吹得佢漲? 想當年太古話要上北京投訴董伯以發展這科技名義免地價批貝沙灣地比小超人, 係赤裸裸既利益輸送, 跟住正苦立即就研究香港搞open sky policy(擺明搞9國泰), 今日地霸囤地, 正苦敢唔敢搞港燈同煤氣? 哦, 唔記得左, 正苦仲等緊地霸補農地地價去交功課, 否則每年兩萬供應都達唔到標, 又比人鬧爆
2. 十一哥 2018-03-12 15:17:47
置業唔係必然嘅、好多人住一世公屋一樣心安理得…因為唔洗煩…交租平過管理費差餉、升值 ?  唔洗住呀?

QE點襟地產呀?正苦咪做本份…自己起夠屋比人住囉 !  不過起公屋剩唔到錢更賺唔到錢、點招兵買馬加人工…更冇得玩大波 ?  

 咪郁下就妖魔地霸啦!屯地、要有水…有數維…先得㗎、咁叠水又咁低息…銀両埋地底咩!實體生意難做…人事管理更嚕囌、梗係買磚頭啦!正苦識做…同大孖沙默契盡在不言中、結果係抽水財源滾滾…倒轉要出力諗點派錢、比你做官…點揀  ?


3. 腥港人 2018-03-12 16:58:54
要令發展商用左啲地,政府應該停止賣地,直接將地比房協做私人發展,起非資助但實而不華就得,發展商無地就唯有用農地

貨尾就所有公司持有嘅住宅雙倍差餉
4. 真真薯片 2018-03-12 20:51:59
在下係度講左好多次了, 想阻止地霸囤貨, 唔係靠關注, 而係要提高供應方既競爭性, 就好似最近電信商減價一樣, 因為有一個新既競爭者帶頭減, 其他人唯有焗跟, 又好似當年正苦提供超大量居屋咁, 每年4萬居屋, 地霸唔減價既話佢d私樓真係搵鬼買, 咪死死氣減價囉, 但係依家正苦一年推幾多居屋? 仲要分一半比綠表, 算吧啦