瀏覽人次 : 16498    回應 : 15
文亮語
道指下跌啓示
 
湯文亮博士
紀惠集團行政總裁
2018年2月9日

  早上起身寫文時,見到道指又下跌超過1,000點,令我想起一個專家對道指下跌說法,不過,那位專家只是說出來,並没有發表有關文章,或者,連他對自己硏究也沒有信心,但我認為是事實。

  當道指下跌1至200點,只是受到地區性或者個別企業的影響,例如個別省份發生災難,或者有企業倒閉,不過,很快就可以復原,不用離開股市,但就要減少投資。

  當道指下跌500點左右,表示美國出現了問題,例如大型示威或者災難,甚至有大型企業倒閉,一般小投資者應該暫時要離開股市,待情況穩定或者被確認後才可以返回股市。

  當道指下跌了超過1,000點,就應該抽身離開,因為這是世界性災難,今次在兩個星期內,道指有兩次下跌1,000點,但我們又察覺不到有任何世界性災難,這才是真正危險,表示知道內情的人不顧一切拋售,所以,玩股票的人都應該持盈保泰,做好防風工作,以免真相被公開之後,全球股市都會大跌,香港也不能例外。

  專家的推算可能太過偏激,所以他不敢發表,我唯有代勞。

留言
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱 密碼
1. 追夢的人 2018-02-09 09:20:00
2月2號應該系程式盤出事,出貨叫ETF基金,15分鍾,700億美金成交,
2. 十郎 2018-02-09 09:33:02


      醉兄一早講左 : 唔駛懷疑 ,調整一定會到。


3. 真真薯片 2018-02-09 11:39:36
一燈大師今次威到盡
4. 自我陶醉 2018-02-09 12:06:04
十郎兄

上星期五提過大家見好即收,希望有緣人收到。傻嘅先會以為個市只升不跌,美股升足九年未跌過,真係唔知有咩“高”人敢在呢個位撈底。 哈哈哈!

5. 十郎 2018-02-09 12:33:08


      醉翁----------好快上映 "上錯車 "  。😱😱😱😱


6. 十郎 2018-02-09 13:03:20


      大胃龍還在研究緊 , 點解張張報紙說北水救兵數量都唔相同 ? 六千億  ? 七千億  ? 八千億 ?

      每日成交千幾億呀 , 九千億夠玩一個禮拜咋 , 見過泥石流未 ?


      
7. 自我陶醉 2018-02-09 13:04:45
上錯車都要死鼎啦! 樓市風險不在樓價,而在流動性,呢幾年入納米樓嘅人,好快會明係咩意思。幾時都話,輸得起先好賭。 為咗一句唔洗交租孭到周身債,仲連累埋父母,何苦呢?
8. 十郎 2018-02-09 13:47:18

      許多人都知道股票炒孖展 , 認為危險 , 唔好攪佢。早幾日廠佬留言說炒樓神人 , 教人加按買多一層 , 呢種實情係孖展行為 , 奇怪的是 , 又冇人驚啵。仲攪出歌頌父幹 , 按父樓叫個中學生揹債 , 要供兩間樓 ,  一反艇就兩間銀主。賭博之心盡顯無遺。

9. 真真薯片 2018-02-09 13:54:04
上錯車又好, 銀主斬倉又好, 正苦有ssd逼人死坐, 結果斬倉時間往後推3年, 而3年間就用收乾供應推高樓市整體升幅, 用大市去升幅去吸收上錯車銀主斬倉盤, 所以期待以久既銀主盤遲遲到唔出場, 簡單講, 借低首期高按入市, 唯一出路就係收樓前再升3成, 幾年前既2按投資盤就比過去既升勢吸納左, 因為個市升左唔止3成

如果樓市未來兩年升唔到兩成, 咁上錯車銀主盤可能就會出場, 如果林鄭放寛按揭成數, 就係用買家既錢去救高按買家一命
10. 十郎 2018-02-09 14:20:52


      薯片兄 : 贊成兄台睇法 , 其中係有技術漏洞 , 我亦經歷過財困 , 明白個中辛苦 , 亦無意用口灑鹽 , 我亦一直勸大家勿玩孖展 , 要坐三年係入市前已知 , 遊戲規則早定 , 入市的有執輸心態 , 其中並不乏賭徒。



11. 自我陶醉 2018-02-09 14:37:01
ssd逼人死坐???

食得鹹魚抵得渴,千祈唔好姓賴。 買之前唔知有SSD咩?  唔通有支槍指住佢買?  買樓係長綫投資,幾年都守唔到學咩人買樓?
12. 真真薯片 2018-02-09 15:59:14
SSD逼人死坐係結果, 無論你買果陣動機如何, 有冇覺悟要比SSD, 都要死坐, 想格硬斬唔係唔得, 補差價囉

問題反對係銀主, SSD期內沽, 銀主都要蝕入肉, 如果市升, 銀主都寧願等, 如果市跌會點呢?格硬斬, 推低市價, 抵押房產價格跌, 隨時整死埋其他未出事既債仔甚至自己都死埋, 唔斬, 樓價唔跌就ok, 跌就真係唔知點
13. 十郎 2018-02-09 16:40:19


      股市經常發生啦 , 呢d就是斬倉效應 , 殺完一浸又下一浸。今日都做緊。


14. 十郎 2018-02-10 01:45:59


      12樓薯片兄 : 我明白你的意思 , 炒股孖展同炒樓孖展有分別 , 樓孖展有銀主盤 , 你有冇聽過銀主股 ? 冇Y嘛。原因股票輕巧 , 靈活 , 快捷。一跌破孖展額 , 就即刻 call 孖展 , 冇到就不問價沽出 , 所以冇銀主股。樓孖展就正如閣下所言 , 銀主上左身 , 不問價推出去又驚誤傷手上的貨 , 唔賣又驚四腳朝天 , 行到呢步 , 真係好難決擇呀。

15. ElvisWong 2018-02-11 02:06:33
絕對認同湯生的睇法
我從事IT行業,可以肯定話比大家知程式並不會失靈到亂落盤
第二,就算失靈,起IT incident management 定必isolate個issue,又怎可能再出現
最後,程式盤要各金融機構單獨運作,試問怎可能同時失控或失靈