瀏覽人次 : 10678    回應 : 29
文亮言
沒有新樓空置稅,地代食穀種
 
湯文亮博士
紀惠集團行政總裁
2019年3月15日

  有老友話老C公開表示,新樓空置稅令地產商減慢起樓速度,政府想快得慢,言下之意是叫政府取消新樓空置稅,我相信老友是搞錯,老C雖然是地產界泰山北斗,但他並不是地產商,不能代表地產商講說話,除非是堅叔講,咁又唔同。

  我問過很多地產商,冇一個話因為政府推出新樓空置稅而放緩起樓速度,因為自己唔起有其他地產商起,香港地產商唔起有國內地產商起,所以,我認為地產商因為新樓空置稅而放緩起樓速度應該是謠言。

  如果這個謠言是由我說出來,可信程度就會高很多,因為無論政府是否推出新樓空置稅,與我沒有利益衝突,但老C就唔同,如果唔出新樓空置稅,老C班伙記就會食穀種,我記得政府宣布推出新樓空置稅當日,我與幾個物業代理高層食晚飯,他們開香檳慶祝,仲話林鄭是現代宋江,真的是及時雨。

  當時,地產商求價不求量,以招標形式逐粒逐粒賣樓,物業代理就算搵到客,都要求神拜佛,希望客人能夠出到地產商願意接受的價錢,結果是新樓樓價飆升,影響所及,二手樓樓價同樣飆升,做成二手樓成交量日益萎縮,從去年上半年一二手樓成交量平均每月6,000宗下降至4,300宗,而下降理由是因為新樓空置稅仍未發出效用所致,從今年開始,尤其是在春節之後,出現所謂「小陽春」,而今次小陽春出現並不是因為有大型新樓盤開售,新樓成交量是集中在一些貨尾單位,物業代理做到笑逐顏開,由此推算,老C沒有理由警告政府推出新樓空置稅,會令地產商放緩起樓速度,如果政府真的是取消新樓空置稅,地產商又可以回復逐粒賣,成交量一定會大幅減少,物業代理受到直接傷害,唔通老C希望班伙記再過苦日子,所以,我始終認為消息是誤傳。

留言
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱 密碼
1. 湯瑪斯 2019-03-15 10:01:05

我認為這個「謠言」係有網民在網上發文指發展商減慢起樓速度,並說已經減緊。其實發展商從來沒有這樣說過。

我認為發展商做生意係要貨如輪轉,只要有得賺,點會話減慢起樓速度。最多以前是暴利,而家薄利多銷。重有,就算發展商有減慢起樓速度既諗法,都唔敢做。因為咁做即係迫政府想更多既辦法迫佢地起樓同賣樓。

2. 寄生蟲阿笨 2019-03-15 10:14:42
新紅雞手中最多貨尾,要佢貨如輪轉好難
3. 李澤西 2019-03-15 15:45:07
這個「謠言」係地產代理發出,恐嚇買家要快。哈哈
4. 大陽春 2019-03-15 21:49:17
空置稅已經成功迫出了大陽春,發展商未來兩年都不會急於推盤,營造饥饿营销氣氛。推高一手樓價,好處是可以轉移空置稅,並帶動二手樓價上升。

今年第四季樓價可以升上歷史高峰。

5. 引刀一快 2019-03-15 23:01:32
到時唔知邊個飢餓。
6. 大陽春 2019-03-16 01:35:58
香港地淡友多,年年月月都望跌,結果嚇到自己變成了長期餓樓之輩。發展商知道這一點,所以長期用飢餓營銷吊這班友的胃口。

咁多排長龍等上車或上番車的港樓飢民,政府冇陰公重要出空置稅打殘動工量,港樓未來十年大漲小回之局已成。


7. 大陽春 2019-03-16 02:13:55
一句現金為王害死不少了。雲吞麵以前三毫子一碗,依家三十蚊都唔止。淡淡們死楂現金,等雲吞麵跌番三毫子一碗才肯吃,話雲吞麵現價有泡沫喎。

樓市飢民大多認知有問題,窮淡之所以窮,自找的,冇得救。


8. 引刀一快 2019-03-16 07:47:00
所有人都餓,不過唔係餓樓,係餓錢。
住,係剛需


賺錢,係剛需中嘅剛需


唔想蝕錢,就係剛需剛需剛剛需


9. 覆8樓 2019-03-16 08:00:55
你無錯,每個人都餓錢,但現今磚頭已是存放錢最理想的地方,結果是有錢的人都追逐有限供應的磚頭,超級有錢嘅咪買中環中心囉,無咁多閒錢嘅咪買大灣樓囉。
10. 大陽春 2019-03-16 09:40:51
蝕錢?冇幾多個啦!香港及大陸,發達主要靠投資磚頭,唔信睇下親朋戚友。香港人沉迷磚頭,因為其長升長有,且所有增加供應方案都俾打殘。

早買早享受,現時銀行回贈已经加到2.3%,罰息兩年。所以每兩年轉按一次,供樓利息等於零。

可以免息供樓,全球只有香港。無計,錢太多,而樓太少。
11. 地代 2019-03-16 10:26:21
我相信成日唱樓市gogogo既應該只有地代或者得一個單位已經all in既人。
小弟有自住樓和一間收租樓,人頭已經用盡。現金還有不少。如果想再買樓,一來要比dsd,二來按揭額度已經用盡。只能full pay 再買。full pay 的話只能得2%回報,每年幾個%升幅也强差人意。所以我反而希望樓市可以來個大調整,讓政府取消dsd及放鬆壓測,這之後才有得玩下去。否則現在樓市只是雞肋,食之無味,棄之可惜。
Btw, 點解吾考慮下工厦?靜係識得靠自住樓賺個些少…其實工厦不用交dsd,而且升幅更可觀。自住樓升跌,其實真係冇乜關係,吾通你賣左佢租樓咩?吾賣,升左又关你咩事?
12. 攞哩衰 2019-03-16 10:57:38
沽咗樓去炒股輸錢,多年交貴租又輸錢,錯失低息供樓時機輸機會成本。

不是剛需中的剛需,而是唔衰自己攞來衰。
13. 二打六 2019-03-16 11:48:39
剛衰講剛需
唔衰攞嚟衰
儍淡立無錐
衰埋一類埋
好彩識埋堆
留言係咁推


好友cut post
為淡留面子
Admin好照顧
淡友多條褲
15. 大陽春 2019-03-16 13:41:20
同意所講,今年不會出現小陽春。在政府,地霸,及專家的配合下,今年只可能出現大陽春。
16. 濛濛紅鼠 2019-03-16 15:11:21
打錯字又中又英,改之:

剛衰講剛需
唔衰攞嚟衰
儍淡立無錐
衰埋一類堆
好彩識埋堆
留言係咁推


咳好友舖士
為淡留面子
網主好照顧
淡友多條褲
17. 大陽春 2019-03-16 15:43:43
儍淡原来剛衰同剛需都分不清,真的是唔窮都冇天理。日日夜夜大灣區掛在口中,卻不知阿爺已經把香港定位為大灣龍頭。

有龍頭晤住,搬去住大灣三線,剛剛衰咗,所以日日話自己剛衰剛衰衰😀😀😀
18. 金金 2019-03-17 08:14:13
根據金管局規定,樓價600萬元或以下可申請8成按揭;但600萬元以上,那怕是多1元,按揭成數馬上由8成跌至6成,首期相差120萬元。 

金管局全力催谷細價樓升至最少600萬,看來幾成功,因為600萬以下樓盤買少見少。

我估下一步是金管局會和應大衆要求再出招,把金額提升至800萬,把樓價推升至更上一層樓。
19. 引刀一快 2019-03-17 09:52:07
To 9樓

good!好一句冇咁多錢就買大灣樓,同中環廣中心嘅業主比,你有佢地咁多錢咩?睇嚟你都係陪我大灣區喇,哈哈哈,歡迎歡迎,真係醒目唧。
20. 引刀一快 2019-03-17 09:56:19
To 17樓 大陽春

你仲諗住香港係龍頭?咁你一定返得大陸好少。
得閒睇睇有大陸學者嘅時事節目,了解一下大灣區其他地方嘅人係點諗喇。
21. 覆19樓 2019-03-17 13:53:04
有幾百億就買中環中心,有閒錢就買大灣樓,有閒錢是指pocket money,兩者之間仲有好多層次,如用其他網友的形容詞,我未“淪落”到要買大灣樓。
22. 大陽春 2019-03-17 14:48:30
To 引刀一快。

香港是大灣龍頭,中央已經明確把香港作為金融中心,財富管理中心,人民幣離岸中心,貿易中心,航空交通運輸中心.......

根本論不到學者,廣東省,或者是香港特區政府話事。

深圳連自己的龍頭企业腾訊,比亞迪,中兴通讯,平安保险等都要在港交掛牌。問下深圳华为阿头任正非佢一家想做香港人定深圳人?
深圳護照国际地位拍得住香港護照?深圳貨帀资金可以全球全流遍?深圳人可以上Facebook, Google, Twitter, Instagram? 深圳有大学可以拍得住理工,城大,港大,中山,科大?深圳家長敢不把小孩带来香港打疫苗?

深圳乖乖做香港的后花园吧。

大湾區香港是龍頭,深圳澳門是二線,广州佛山珠海是三線,其它5個城市是四缐。

没有香港,廣東省只是個窮鄉,深圳只是個墟(深圳墟)。
23. 引刀一快 2019-03-17 14:56:13
淪落?有錢執有前景,我又真係唔怕淪落喎。
咁你自己“騰飛”喇,對著中環中心做冥想囉。

呢個論壇好得意,好多人自命高貴,十足十做傳銷嘅口吻。
24. 引刀一快 2019-03-17 15:00:12
大陽春

你睇睇尋晚鳳凰衛視嘅一虎一席談,醒吓喇。
香港出李慧瓊同吳秋北兩個去講,睇完你就知道心寒嘞。
25. 引刀一快 2019-03-17 15:07:41
簡單嚟講,你中意話香港係龍頭龍爪龍乜都得,舞龍嘅係邊個先?
任正非一定係想做大陸人喇,只不過香港身份有佢需要嘅嘢,你咪一廂情願以為所有大陸人都朝拜香港,香港咁多人去泰國,唔通就係恨做泰國人咩。
26. 覆23樓 2019-03-17 15:22:22
呢個論壇好得意,有人冇條件去Caprice食法國餐,就介紹自己樓下個走鬼檔,話大件夾抵食。人哋考慮食安問題,佢話自己食地溝油大,仲未死得,十足十做傳銷嘅口吻。
27. 大陽春 2019-03-17 16:04:08
To引刀一快。

就是太多大陸有錢人朝拜香港,才需要出30%BSD。香港敢撤除30%BSD? 香港人去泰國只是買屋度假,冇人會放棄全中國老百姓恨死都想攞的地位高人一等的香港護照,你最好搞清楚。

香港䕶照及港人身份,是中国有錢人的爭取目標。任正非及馬雲就是榜样。脚比咀巴要誠實。我深圳同事口口聲聲話討厭香港,但女兒的每一罐奶粉都是在香港買的。唉!深圳人先搞好奶粉及疫苗吧!

香港的戰略地位及國際地位2047後大陸其他城市也沒法取代。冇計。

華為將來上市,9成也會在港交所,任正非也是無可奈何。龍頭就是龍頭,紐倫港的港是指香港,不是指深圳灣,不要搞錯。

除非前海被香港全方位接管,否則功能有限。香港行的普通法,同纽约,倫敦,星加坡,多倫多接軌,是成為國際金融中心及仲裁中心的必须條件。深圳同上海不引用普通法,只能同巴黎及法兰克福一樣爭做區域中心。

深圳上海並不是不想而是不能取代香港,中央太清楚這一㸃。大陸台大陸学者一箱情愿式的言論,當笑話聴下幾好。取消港幣,中央敢嗎?

資訊全流通,是成為國際金融中心的另一必備條件。那一天上海人深圳人可以流畅地實時地上FB,睇BBC及生果日報再来說可以取代香港吧。


28. 大陽春 2019-03-17 16:20:55
大陸人朝拜華為,騰訊,阿里巴巴,而這些公司的老闆及他們的家人却朝拜香港,恨做港人。騰訊整個管理層幾乎都是港人。

那一些評擊香港話討厭香港的大陸人,其實都是些窮鬼及低下層。冇資格及本事移民香港,所以發曬爛渣。明白明白。

大陸人咀巴話看不起香港,但內心卻人人都想做港人。香港樓價只有上升一個方向。無奈啊!

29. Sam 2019-03-17 20:13:03
大陽春 说的才是事实。
30. 大陽春 2019-03-17 21:45:00
今日陪朋友睇樓,青衣及奧運業主齊齊反價封盤。去年第四季的筍價已經消失矖。今年的大陽春來勢洶洶。跌三成?去大灣區或菲律賓搵吧,唔使香港樓價一成都有大把選擇。