瀏覽人次 : 21104    回應 : 5
文亮言
海航證明香港可以炒地,唔可以炒樓
 
湯文亮博士
紀惠集團行政總裁
2018年3月12日

  海航四幅啓德地賣了三幅,不但可以全身而退,甚至仲有微利,有老友問我點睇,其實,今次海航明剃香港政府眼眉,政府唔准市民炒樓,海航就炒地,老實說,如果政府向買地的財團徵收印花稅,住宅部分要付30%,商業部份要付8.5%印花稅,海航就不能夠全身而退,政府不對買地財團徵收印花稅,而且任由財團可以用公司轉讓形式交易,海航才可以全身而退,我估計類似的交易將會陸續出現,以後變成大財團可以炒地,小市民不可以炒樓。

  有人不認同我的說法,認為地價包括印花稅與地價和印花稅分開,其實是同一條數,落標的財團知道要俾印花稅,標價就會出少一些,如果不用,就會出高一些,簡單來說,的確是一樣,但其實是有所不同,如果分開計算,財團知道地價之後要付30%印花稅,出價就會低很多,麵粉價貴過麵包價就不容易出現,政府懶做多一重功夫,令到大家都以為地價狂飆,麵粉貴過麵包,樓價亦為此狂飆,有土地儲備以及有多個物業的業主就得益不少,買樓上車的市民就因為政府做少一重功夫而買貴樓,他們其實是終極受害者。

  上星期五,中原指數又破頂,升哥豪言壯語話指數在春季一定可以突破175大關,我亦相信可以,因為現在有不少住宅買賣交易都是以公司轉讓形式進行,與地產商買地一樣,是不用繳付任何印花稅,成交價一定比市價高很多,而事實上那些破頂價並非淨呎價,做成中原指數屢次破頂亦非意外,春季突破175大關絕對沒有難度,海航雖然證明香港可以炒地,不可以炒樓,但亦提醒大家可以用炒地的方法炒樓。

留言
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱 密碼
1. 樓市初哥 2018-03-12 09:17:19
"住宅買賣交易都是以公司轉讓形式進行,與地產商買地一樣,是不用繳付任何印花稅?"

真的嗎?如何進行?

2. 真真薯片 2018-03-12 09:45:07
炒地好閒者, 摸地就勁啦
3. 麵粉與麵包 2018-03-12 10:40:32
麵粉價格被炒到顚,麵包價格當然也會狂升。市民看在眼裏,立即撲入去掃細價樓,所以沙田第一城尺價直撲二萬大關。

政府從來沒有話要打殘樓價,所以鼓勵炒地好正常。大家不要幻想未來樓價會大跌。炒地活動,陸續有來。
4. 十一哥 2018-03-12 13:08:13
白頭片焗住離枱、炒地…點使投降、陀地當時比佢攪寸咗party、如果當日陀地投到…斷估最多比萬一蚊左右…今日就仲和味、做生意原則…平買唔代表要平賣、隨行就市…唔關道德事、不過老表焗掟牌…就直情係搭埋雞棚…比陀地食糊、不過事又兩邊睇、老表亂篤…幫咗陀地做賣樓promoter、阿爺之前失控放水…又可以趁好市…焗D馬騮離枱還番D白頭片、正苦乜都唔做就最高…抽水…蠢人有米都煑到嘢食。



5. LC 2018-03-12 22:59:08
通常爆市之前都係最精彩,公司買賣係一個價,排隊買新樓又係一個價,雙雙破頂。今年年底 185 都不足為奇,股市重係未爆升完,樓市一般比股市慢,要反映 33000 點為香港人進帳左幾多現金, 過多半年再睇睇。

    習大坐正無人反對,必定加碼推一帶一路,資金進出香港既量隨住人仔國際化只有上無落,股市爆升多 3000 點不是夢。