瀏覽人次 : 21714    回應 : 16
文亮言
海航令到很多香港人買貴樓
 
湯文亮博士
紀惠集團行政總裁
2018年3月10日

  海航賣完兩幅地俾恆基之後,再賣一幅地俾會德豐,帳面上不但沒有蝕,仲有微利,不過就唔夠買驚風散,今次海航玩轉啓德地皮,有人多謝,因為令他們的身家暴漲,亦有人多得海航唔少,因為令他們買貴樓。

  當日,地產商得悉海航以高價奪得啓德地皮,以麵粉貴過麵包為藉口,立刻反價封盤,與地產商同步而行的還有很多打算賣樓的業主,如果沒有海航勇奪啓德地皮,我相信即使樓價會繼續上升,但幅度都會減少很多,政府為了市民不要誤會奪得土地的中標價並不是真正的市價,亦決定以不記名方式公開其他標價,連最睇好樓市的評論員都話政府此舉有助穩定樓價,今次海航旋風式奪得啓德地皮,香港政府真的多得佢唔少,用了咁多辣招去壓抑樓價,海航一招麵粉貴過麵包便全部化解,海航撤退,爛攤子就要由香港政府收拾。

留言
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱 密碼
1. 潮流興炒地 2018-03-10 09:04:51
海航引發炒地潮,以後發展商會有樣學様。炒樓要俾好多印花稅而炒地就一毫子印花稅也不用俾。
面粉越炒越貴,面包價也只好被迫一直上升。
海航是全港業主,发展商,及特區政府的好朋友。多謝海航🙏🙏🙏🙏🙏
2. 全身而退 2018-03-10 09:10:53
海航全身而退,也賺了幾十億,本港發展商攞到靚地之余又幫了阿爺一把,功在國家,阿爺同特區政府一定會繼續努力支持推高本港樓價,投桃報李,
3. 爛仔賣桔 2018-03-10 10:11:24
賺硬你錢,你敢唔買?
5. LC 2018-03-10 10:51:33
果區D 樓真係賣得太貴,佢今日既價錢係己經賣到發展左噤既價,果度最快都要十年八年先發展好,睇返以前長實就實在好多,堆田區果邊D 樓係平好多噤賣,小業主都可以享受到發展左既升價同升值。

    但係唐觀區D新樓,你而家買,可能三五七年都未必享受到發展既升值,所以局住附近D 樓都貴埋,的確係搞到香港人
6. 赢家 2018-03-10 10:53:06
海航成功賣樓,創造了一個多贏的局面,海航,港府,本港地霸,本港業主們都是贏家。

唯一大輸家就是年年都在盼望樓價大跌的淡友。
7. 面粉有價 2018-03-10 11:16:31
面粉價被炒起,絕對有利支撐面包價。中資搞局,林鄭頭痕。
8. 不偏不倚 2018-03-10 12:38:01
不是海航令到香港人買貴樓,
而是美國令到世界各地的人都買貴樓。
美國09年量化寬鬆政策下印了大量貨幣,
才出現樓價好像貴了,其實只是銀紙貶值而已。
9. 小心升災 2018-03-10 12:53:32
CCL已經升穿170大關,下一波升浪好恐怖。大家小心升災。
10. 真真薯片 2018-03-10 12:56:25
以前仲有人奇望阿爺出手叫中資地霸黎香港打倒本土地霸, 起平樓賣比香港人, 救萬民於水深火熱

以為講大陸地霸會打破香港地霸壟斷, 鬥平劈價賣樓既人依家出句聲啦
11. 十一哥 2018-03-10 14:24:11
老表入標前、梗會收風嘅、陀地亦會放下D流電、裝下彈弓、不過一開標已經估到老表實衰收尾…陀地就揸定撈箕、最正兩幅泗叔啅咗、剩低兩幅泗叔一定壓價、堅叔就兜篤食咗單邊果件、剩低挾正中間果件照計就係兩位叔台睇下邊個要埋、老表應該會吊高些小。




13. 父幹 2018-03-11 10:19:26
香港父幹力量實力雄厚。14萬億銀行存款,足以支持高樓價有餘。
14. LC 2018-03-11 10:31:41
回八樓:  
美國出賤招打劫全世界,作為世界霸主,佢經濟唔好就印錢,令到佢過熱既投資變成世界化,零利率就係誘因,令個個都亂借美金投資,去到最後階段資產價格極度唔合理,和人工脫鈎,其實用常理諗就知極度唔合理,但係當資產價格不停升既時候,有能力無能力既人都會死跟,跟到佢地無能力再借為止。   

     而美國印完D 假錢之後,宿表,就係收返D 真錢,即係你層樓本來值 500 萬,但係因為息平市旺,你比1000 萬買,無論好境唔好境,當美金加息既時間,你借左既500萬既利息美國乜都唔做就收硬你,總知你借得多,還得只有重多,當印銀紙效果完左之後,樓就唔會好似以前噤不停升,到時過份借錢既人就會代替美國人爆同破產,本來係美國人既問題,以噤既方法就成為世界各地問題,而美國人就繼續不停高消費,到你地矣返個出頭天之後,美國又會用同一個方法黎祼你地既勞動成果。本來你供半世既樓,因為美國人要高消費,所以你要為佢地供多半世。唔好怪政府唔起樓比你,只怪係人本來就係太過貪心,個個都想不勞而獲,到最後想不勞而獲既,只有付出雙倍勞力去還債。
16. LC 2018-03-11 10:59:07
https://hk.finance.appledaily.com/finance/realtime/article/20180310/57927151

接近 30 %既 投資者,但係到時樓市跌,又大把人上街話政府 
17. 孟波 2018-03-11 11:20:18
十樓薯片兄:

唔通twins阿嬌都發表過意見?佢忙著攪演唱會應該唔會再出聲了。
19. 幻想破滅 2018-03-11 15:25:16
天真的港人幻想阿爺放多些內房來港打破本地地霸壟斷,增加供應同競爭。

結果海航只是來炒高地價。港人夢醒,只好排隊搶新樓,搞到新盤一Q清袋。
20. 真真薯片 2018-03-11 22:40:01
果然明眼人一看, 就知道是移花接木