瀏覽人次 : 16416    回應 : 10
文亮言
被人鬧到失暈的文章
 
湯文亮博士
紀惠集團行政總裁
2018年2月10日

  昨晚,有老友打電話給我話,見到蘋果新聞網,我被人鬧到失暈,但老友同意我的說法,其實被人鬧下又有什麼所謂,最少令人留意到道指在大家都不知道是什麼原因之下,連續兩次下跌1,000點,這是一個非常危險訊號,如果突然傳出美國加息1%,道指下跌1,000點絕不出奇,但確認加息之後,道指就會調頭回升,今次是什麼原因,暫時還未有任何一個專家說得出是什麼原因,連獲利回吐不敢說,加息又唔好意思講,縮表減稅又早已知道,但道指仍然下跌,所以,令美股急跌的原因一定是大家意想不到,如果沒有任何特別原因而道指在短時間內兩次下跌超過1,000點,大家都不要投資美股,因為這是一個被操控市場,老實說,真的是死左都唔知道是什麼事。

  老友話有不少評論質疑我是否懂得投資股票,但他記得去初年,恒指在22,000點時,我對記者說年底時會升到28,000,當時亦被人笑到失暈,雖然事實勝於雄辯,但亦不太準確,去年底恒指去到29,000點,當時質疑我的人都唔記得,今次或者是我多心,但最低限度向巿場發出了警告,如果不幸真的是出現了一些不可抗力的不利因素而令美股大跌,屆時又不會有人記得曾經鬧我,君子不立危牆之下,沽售一些股票,持盈保泰,才是開心生存之道,唔通股市又好似樓市一樣,連少少負面聲音都不准發出。

留言
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

回應者名稱 密碼
1. 自我陶醉 2018-02-10 09:36:06
炒過龍就要跌,其實唔需要理由。 好似拋個波上天,上升動力會被消耗,去到盡再冇力上,個波就自然會跌,唔需要理由。 可能有人會話我無知,跌係因為地心吸力才對。 的確係,咁飛機火箭點解唔會跌? 

投資市場都一樣有地心吸力,啲人覺得個價太離地,自然唔再買,到冇能力嘅人都買窮買盡,借無可借,再冇動力推上時就會跌,這就是地心吸力。就像1987年的黑色星期一,跌市原因眾說紛紜,直到現在依然是個迷。 

不過又唔洗太悲觀,今次急跌可能只係一個大跌前嘅警告,就算來不及走避都唔需要太擔心,大頂很多時都會反彈俾多一次機會你走,唔想認輸咪再等幾個月囉! 或者有奇蹟呢!

2. 反彈 2018-02-10 10:33:24
若似1987的跌法,想等反彈已經見底了。哈哈!
3. 孟波 2018-02-10 11:34:02
賺時人人都自封專家,輸左咪失踪一輪粒陣水,總之未使去IFC排隊或BBQ始終有日市場轉勢,收回失地又可以行返出來做專家,樓股都一樣。
4. 2015年股災教訓 2018-02-10 12:18:12
2015下半年至2016年第一季股災,恆指其間跌了一萬點,香港樓價穩如泰山。其間沽咗自住樓的,喊到現在還未收聲。慘!

2018年港股跌一萬點碎料,中原指數年底一樣升穿180。白居二下半年發威,勢谷起樓價。今天的香港樓市不是股市。請問政府敢收15%股票BSD嗎?

樓市有金剛不壞之身。大家不如估下今年下半年政府出甚什麼樣的新辣招吧。
5. 舍神 2018-02-10 12:22:39
Insider 知先。
以至大多數群眾 摸不著頭腦。
係司空見慣。根本係股市ABC.

Dow. 係Mature market, 绝不會死错人。

我從未見過Dow跌1600点誇。不信邪的星期四再跌1000, 已是再無懸念。

大家要想的,是甚麼sectors跌得最利害。想想有乜消息有咁強勁威力。

復當年房利美爆煲都未有咁嘅威力!!
6. 磚頭vs牆纸 2018-02-10 12:27:19
2007年10月港股31000點,淘大兩房100萬左右。2018年2月,港股30000點,原地踏步。淘大兩房已叫緊600萬。

其間淘大11年收的租金超過盈富(2800),而如果俾2成首期20萬計,回報是25倍(600-100)/20 。

2007年十月用20萬買盈富冋20萬買淘大,一念之間,你的人生好唔一㨾。
7. 鳥5 2018-02-10 17:50:56
短期,可以睇下十穿5O線之後、應該作為市埸跌巿入巿指標,(好少失準,因為太久冇 重疊),揸堄滑浪板都係一個時机。。投机可以投資就真係。。。不欲多言。大冢明。。
8. 鳥5 2018-02-10 18:15:12
美股反低潮就應該3月加息後,大家計18年加4次預期。。。
9. 鳥5 2018-02-10 18:17:30
美國開始玩反高潮,轉玩反低潮,大家明啦吓。。。
10. 舍神 2018-02-12 18:19:04

沽哂先知持有中移動!!

美股大跌,波及通信辦主席?